په‌یامنێرانی بێ سنوور له‌ تازه‌ترین راپۆرتی خۆیدا ڕیزبه‌ندی وڵاتانی له‌ بواری ئازادی چاپه‌مه‌نیدا بڵاو كردووه‌ته‌وه‌، له‌ راپۆرته‌كه‌دا باس له‌وه‌ كراوه‌ كه‌ ئیران له‌ ڕیزی ئه‌و پێنج وڵاته‌ دایه‌ كه‌ به‌ گه‌وره‌ترین به‌ندیخانه‌ بۆ ئازادیی چاپه‌مه‌نی دێنه‌ ئه‌ژمار.

په‌یامنێرانی بێسنوور به‌ بۆنه‌ی ڕۆژی 3ی ئایار” ڕۆژی ئازادیی چاپه‌مه‌نی” ئه‌و ڕاپۆرته‌ی بڵاو كردووه‌ته‌وه‌ و تێیدا هاتووه‌ كه‌ ئێران به‌ پێنجه‌مین وڵاتی به‌ندیخانه‌ بۆ رۆژنامه‌نووسان و له‌ بواری سانسۆر و په‌راوێزخستنی ڕۆژنامه‌نووسانیشدا به‌ حه‌وته‌مین وڵات له‌ جیهاندا دێته‌ ئه‌ژمار، هه‌روه‌ها ئاشكراشی كردووه‌ كه‌ ئێران چاپه‌مه‌نیی قۆرغ كردووه‌.

له‌ راپۆرته‌كه‌دا هاتووه‌ وڵاتی ئێران له‌ نێوان سه‌د و هه‌شتا وڵاتی جیهاندا پله‌ی خراپترینی پێ به‌خشراوه‌ و به‌ گه‌وره‌ترین به‌ندیخانه‌ بۆ ڕۆژنامه‌نووسان و ئازادیی چاپه‌مه‌نی دێته‌ ئه‌ژمار.