حكومه‌تی نیپال رایگه‌یاند كه‌ ئومێدیان نه‌ما به‌وه‌ی بتوانن ئه‌وانه‌ی كه‌وتوونه‌ته‌ ژێر پاشماوه‌ی باڵه‌خانه‌و خانووه‌ رووخاوه‌كان رزگار بكه‌ن كه‌ به‌هۆی بوومه‌له‌رزه‌كه‌ی هه‌فته‌ی رابردووه‌وه‌ گیریان خواردووه‌ .

به‌مه‌ش ژماره‌ی ئه‌وانه‌ی گیانیان له‌ ده‌ستداوه‌ تا ئێستا بۆ شه‌ش هه‌زارو شه‌ش سه‌دو بیست و یه‌ك كه‌س به‌رز بووه‌وه‌ . لاكشمی براساد داخال گوته‌بێژ به‌ناوی وه‌زاره‌تی ناوه‌خۆی نیپاڵ روونیكرده‌وه‌ كه‌ ماوه‌ی هه‌فته‌یه‌كه‌ ئه‌و رووداوه‌ سروشتیه‌ روویداوه‌ ، له‌ گه‌ڵ ئه‌و هه‌موو هه‌وڵه‌ش ئومێد نییه‌ كه‌ گیرخواردووه‌كانی ژێر پاشماوه‌كانی باڵه‌خانه‌و خانووه‌ رووخاوه‌كان رزگار بكرێت .

به‌پێی گوته‌ی وه‌زاره‌تی ناوه‌خۆی نیپال ژماره‌ی برینداران بۆ چوارده‌ هه‌زارو بیست و سێ كه‌س به‌رز بۆته‌وه‌ .