جۆن كێری: ئێران و وڵاتانی 5+1 له هه‌موو كاتێك زیاتر له‌یه‌ك نزیكترن بۆ گه‌یشتن به رێككه‌وتن
جۆن كێری دوای به‌شداریكردنی له دانیشتنی سه‌ره‌تایی كۆنگره‌ی نه‌ته‌وه یه‌كگرتوه‌كان بۆ به‌دواداچوونی په‌یمانی قه‌ده‌غه‌كردنی بلاوبوونه‌وه‌ی چه‌كی ئه‌تۆمی كه ماوه‌ی یه‌ك مانگ ده‌خایه‌نێت ، له‌گه‌ڵ محه‌مه‌د جه‌واد زه‌ریف وه‌زیری ده‌ره‌وه‌ی ئێران له نیویۆرك له باره‌گای بالیۆزخانه‌ی ئێران له نه‌ته‌وه یه‌كگرتوه‌كان كۆبووه‌وه و باسیان له هه‌وڵه‌كان كرد بۆ گه‌یشتن به رێككه‌وتنی كۆتایی نێوان ئێران و وڵاتانی پێنج كۆیه‌ك له كۆتایی ئه‌و ماوه‌یه‌ی كه دیاریكراوه ئه‌ویش سی حوزه‌یرانی داهاتووه .
جۆن كێرى به‌و 191 وڵاته‌ی كه واژوویان له سه‌ر په‌یمانی قه‌ده‌غه‌كردنی چه‌كی ئه‌تۆمی كردووه، راگه‌یاند كه ئێستا له هه‌موو كات له‌و رێككه‌وتنه نوێیه نزیكترین و ئه‌گه‌ر به رێككه‌وتنیش گه‌یشتین ئه‌وا جیهان زیاتر سه‌قامگیری به خۆوه ده‌بینێت .
