ریاز یاسین، وه‌زیری ده‌ره‌وه‌ی یه‌مه‌ن رایگه‌یاند: حكوومه‌تی یه‌مه‌ن ئاماده‌یه‌ گفتوگۆی مه‌رجدار له‌گه‌ڵ بزوتنه‌وه‌ی ئه‌نساروڵڵای حوسی ده‌ست پێ بكات. له‌ چوارچێوه‌ی سه‌ردانه‌كه‌یدا بۆ له‌نده‌ن، وه‌زیری ده‌ره‌وه‌ی یه‌مه‌ن ریاز یاسین له‌ لێدوانێكی بۆ كه‌ناڵی بی بی سی گوتی: حكوومه‌تی یه‌مه‌ن، ئاماده‌یه‌ له‌گه‌ڵ حوسییه‌كاندا گفتوگۆی مه‌رجدار ده‌ست پێ بكات.

وه‌زیری ده‌ره‌وه‌ی یه‌مه‌ن، ئاماژه‌ی به‌وه‌ كرد كه‌ پێش مه‌رجی گفتوگۆكان ئه‌وه‌یه‌ حوسییه‌كان چه‌كه‌كانی قورس دابنێن و پێكهاته‌كه‌یان بگۆڕن بۆ پێكهاته‌یه‌كی سیاسی. هه‌روه‌ها نابێت سه‌ركۆماری له‌سه‌ر كارلادراو عه‌لی عه‌بدوڵڵا ساڵح له‌گه‌ڵ سه‌ركرده‌ی حوسییه‌كان عه‌بدلمه‌لیك حوسی كه‌ تاوانبارن به‌شداری گفتوگۆكان بكه‌ن. چوار شه‌ممه‌ی رابردوو، عه‌لی عه‌بدوڵڵا ساڵح داوای له‌ لایه‌نه‌كانی یه‌مه‌ن كردبوو له‌سه‌ر میزی گفتوگۆ كۆببنه‌وه‌.