بڕیاره‌ رۆژى دووشه‌ممه‌ى داهاتوو كۆنفرانسى پێداچوونه‌وه‌ به‌ رێگرى كردن له‌ بڵاوه‌ پێكردنى چه‌كى ئه‌تۆمى له‌ نیۆیۆرك ده‌ست پێبكات.

بۆ ئه‌و مه‌به‌سته‌ محه‌ممه‌د جه‌واد زه‌ریف وه‌زیرى ده‌ره‌وه‌ى ئێران ئه‌مڕۆ یه‌كشه‌ممه‌ به‌ره‌و نیۆیۆرك به‌ڕێده‌كه‌وێت.

به‌ پێى هه‌واڵى رادیۆ فه‌ردا بڕیاره‌ وه‌زیرى ده‌ره‌وه‌ى ئێران له‌ چوارچێوه‌ى ئه‌و كۆنفرانسه‌دا له‌ گه‌ڵ جۆن كێرى وه‌زیرى ده‌ره‌وه‌ى ئه‌مه‌ریكا و فێدریكا مۆگیرینى به‌رپرسى سیاسه‌تى ده‌ره‌وه‌ى یه‌كێتى ئه‌وروپا و هه‌روه‌ها هه‌ندێك له‌ وه‌زیره‌كانى ده‌ره‌وه‌ى وڵاتانى گرووپى پێنج كۆ یه‌ك دیدارو چاوپێكه‌وتن ئه‌نجام بدات.