ئه‌مرۆ دادگایه‌كی میسر سزای له‌ سێداره‌دانی به‌سه‌ر محه‌مه‌د به‌دیع رابه‌ری گشتی ئیخوان موسلمین دا سه‌پاند. به‌پێی سه‌رچاوه‌كانی میسری دادگایه‌كی میسری سزای له‌سێداره‌دانی به‌سه‌ر محه‌مه‌د بدیع رابه‌ری گشتی ئیخوان موسلمین و سێزده‌ سه‌ركرده‌ی دیكه‌ی كۆمه‌ڵه‌كه‌ داسه‌پاند. دادگای میسر به‌ سه‌رۆكایه‌تی دادوه‌ر محه‌مه‌د ناجی بڕیاری به‌رایی ده‌ركرد به‌ له‌سێداره‌دانی چوارده‌ تاوانبار له‌ دۆسیه‌ی ناسراو به‌ ژووری ئۆپه‌راسیۆنی چواره‌م؛ له‌ نێویاندا محه‌مه‌د به‌دیع؛ رابه‌ڕی گشتی ئیخوان موسلمین تێدایه‌.

هه‌روه‌ها له‌وانه‌ی كه‌ بڕیاری له‌ سێداره‌دانیان بۆ ده‌كرا سه‌عد حوسێنی؛ سه‌ركرده‌ی ئیخوان و پارێزگاری كه‌فه‌ر شێخی پێشوو و بانگه‌وازی ئیسلامی سه‌لاح سوڵتان و عومه‌ر حه‌سه‌ن له‌ نێو ئه‌و كه‌سانه‌ن كه‌ بڕیاری له‌ سێداره‌دانیان بۆ ده‌ركرا. دادگا بڕیاری زیندانیكردنی بۆ ماوه‌ی بیست و پێنج ساڵ بۆ سیی و حه‌وت كه‌سی دیكه‌ی ئیخوان موسلمین ده‌ركرد. ئه‌م بڕیاره‌ی دادگا بڕیاری به‌رایین و ده‌كرێت تانه‌ی لێبدرێت له‌ دادگادا .