رابەری گشتیی ئیخوان و 11 سەرکردەی دیکە سزای زیندانی هەتاهەتاییان بەسەردا سەپێنرا
محەممەد عەبدولعەزیم بەشلاوی، مستەفا عەبدولعەزیم فەهمی، عاتف عەبدولجەلیل محەممەد و عەبدولرەحیم محەممەد عەبدولرەحیم، ئەو چوار سەرکردەیەی کۆمەڵەی ئیخوان موسلمینن، کە سزای مەرگیان لە لایەن دادگای تاوانەکانی قاهیرەوە بۆ دەرکراوە.
هاوکات دادگای تاوانەکانی قاهیرە سزای زیندانیکردنی هەتاهەتایی بۆ هەر یەک لە دکتۆر محەممەد بەدیع، رابەری ئیخوان، موهەندیس خەیرەت شاتر، جێگری یەکەم، رەشاد بیومی، جێگری دووەم، دکتۆر سەعید کەتاتنی، سەرۆکی پارتی ئازادی و داد باڵی سیاسیی کۆمەڵەی ئیخوان، دکتۆر عسام ئەلعریان، جێگری پارتەکە، دکتۆر محەممەد مەهدی عاکف، رابەری پێشووی کۆمەڵە، ئوسامە یاسین، وەزیری پێشووی لاوان و ئەیمەن هودهود، راوێژکاری سەرۆککۆماری پێشوو دەرکرد.
ناوی ئەو سەرکردە و ئەندامانەی دیکەی کۆمەڵەی ئیخوان موسلمین، کە زیندانی هەتاهەتاییان بۆ دەرکراوە، بریتین لە "ئەحمەد شووشە، حسام ئەبوبکر سدیق، مەحموود زناتی"، ئەندامی پارتی ئازادی و داد و نووسینگەی رابەر.
رووداو
