رێكخراوی نێوده‌وڵه‌تی چاودێری مافه‌كانی مرۆڤ رایگه‌یاند كه‌ پێشێلكارییه‌كانی میلیشیاكانی هاوپه‌یمان له‌ گه‌ل هێزه‌ ئه‌منییه‌كانی عێراق له‌و چه‌ند مانگانه‌ی دواییدا پێشێكارییه‌كانیان له‌ ناوچه‌ سوننه‌ نشینه‌كان به‌رزبۆته‌وه‌ و دانیشتوانی ئه‌م ناوچانه‌شیان ناچار كردووه‌ كه‌ ماڵ و حاڵی خۆیان جێبهێڵن و هه‌ندێك خه‌ڵكیشیان رفاندووه‌و هه‌ندێكیشیان له‌ هه‌ندێ حاله‌ت له‌ سێداره‌ داوه‌ .

رێكخراوی هیومه‌ن رایچ وۆچ له‌ نوێترین راپۆرتیدا ئه‌مڕۆ بلاویكردۆته‌وه‌ كه‌ به‌لایه‌نی كه‌م سێ هه‌زار كه‌س له‌ ناوچه‌ی میقدادییه‌ی پارێزگای دیاله‌ له‌ مانگی حوزه‌یرانی رابردووه‌وه‌ ماڵ و حاڵی خۆیان جێهێشتووه‌ . به‌پێی سه‌رچاوه‌كانی هه‌واڵ میلیشیاكان و هێزه‌ تایبه‌ته‌كان حه‌فتاو دوو هاووڵاتی مه‌ده‌نیان له‌ شارۆچكه‌ی راوه‌ی قه‌زای میقدادییه‌یان كوشتووه‌