له‌ له‌نده‌نی پایته‌ختی به‌ریتانیا كۆبوونه‌وه‌ی نه‌هێشتنی بڵاوبوونه‌وه‌ی چه‌كی ئه‌تۆمی به‌ڕێوه‌چوو. هه‌ریه‌ك له‌ به‌ریتانیا، چین، فه‌ڕه‌نسا، رووسیا و ئه‌مریكا به‌شداریی كۆبوونه‌وه‌كه‌یان كرد و له‌روونكردنه‌وه‌یه‌كی هاوبه‌شدا راگه‌یه‌نرا كه‌ رێككه‌وتنه‌كانی كۆنفڕانسه‌كه‌ی ساڵی 2010 له‌ باره‌ی له‌ناوبردنی چه‌كی ئه‌تۆمی سه‌ر له‌ نوێ تاوتوێ كراوه‌ته‌وه‌. له‌كۆبوونه‌وه‌كه‌دا تاوتوێی له‌ناوبردنی چه‌ك و نه‌هێشتنی بڵاوبوونه‌وه‌ی چه‌كی ئه‌تۆمی و وزه‌ی ناوه‌كی له‌ رێگه‌ی ئاشتییه‌وه‌ كرا و له‌گه‌ڵ نوێنه‌رانی ئه‌و وڵاتانه‌ی چه‌كی ئه‌تۆمییان هه‌یه‌ كۆبوونه‌وه‌ی به‌سوود ئه‌نجام دراوه‌.

وڵاتانی گروپی پێنج ئاماژه‌یان به‌ بیرۆكه‌ی نه‌هێشتنی چه‌كی ئه‌تۆمی كرد له‌چوارچێوه‌ی به‌ره‌نگاربوونه‌وی ئه‌و ئامانجه‌ و جه‌خت له‌ گرنگی رێككه‌وتنه‌كانی نێوده‌وڵه‌تی له‌باره‌ی ئاسایش و سه‌قامگیری كرایه‌وه‌. هاوكات باسیان له‌ به‌ره‌و پێشچوونی دانووستانه‌كانی ئێران كردووه‌ له‌رێگه‌ی دیپلۆماسییه‌وه‌ و له‌م چوارچێوه‌یه‌ خۆشحاڵی به‌رامبه‌ر به‌ دانووستانه‌كان ده‌ربڕا و راگه‌یه‌نرا كه‌ سوورن له‌سه‌ر رێككه‌وتنێكی فراوان له‌مباره‌یه‌وه‌.