ماری هارف لە کۆنگرەیەکی رۆژنامەڤانیدا رایگەیاند، کە ئەوان مەبەستیانە شاری هەولێر پارێزراو بێت و لەو رووەشەوە دەیانەوێت بە هەموو شێوەیەک هاوکاری هێزەکانی پێشممەرگە بن. هارف گوتیشی "بۆ شەڕی داعش فڕۆکەکانی ئەمریکا هێرشی ئاسمانی دەکەنە سەر داعش و هێزەکانی پێشمەرگە هێرشی زەمینی بۆ سەر داعش دەکەن".

لە وەڵامی پرسیارێک لەبارەی مانەوەی چەکداران لەو شوێنانەی گرتوویانە ، ماری هارف گوتی "ئێمە خۆمان دەزانین چی دەکەین و سەرکەوتووش دەبین لەو تاکتیک و پلانەی هەمانە بۆ رووبەڕووبوونەوەی داعش".

لە بەشێکی دیکەی قسەکانیدا هارف گوتی "هێزەکانی بەرگریی لە ئەمریکا لەلایەن باراک ئۆباماوە گڵۆپی سەوزیان بۆ هەڵکراوە، کە بتوانن هەموو پلان و ئامادەکارییەک بکەن ، بۆ ئەوەی بەباشترین شێوە بتوانن شەڕی داعش بکەن". لەبارەی هاوکاری ئەو خەڵکەی کە ئێستا لە چیای شنگال ماونەتەوە و رزگارنەکراون هارف گوتی "خاڵێکی جددییە و ئەمریکا کاری لەسەر دەکات و ئەوەشی پێویست بێت بۆ رزگارکردنی خەڵکەکە دەیکات".

ئەو گوتیشی ئەو رەوشەی ئێستا وا دەخوازێت کە هاوکاریی هێزەکانی پێشمەرگە بکەین بۆ شەڕکردن دژی چەکدارانی داعش.





رووداو