له‌ تایوان فرۆكه‌یه‌كى نه‌فه‌ر هه‌ڵگر تێكشكا و ژماره‌یه‌ك سه‌ر نشینیش گیانیان له‌ ده‌ستدا. به‌رپرسانى ناوخۆى تایوان رایانگه‌یاند، فرۆكه‌یه‌كى نه‌فه‌ر هه‌ڵگر سه‌ر به‌ كۆمپانیاى ترانس ئاسیا له‌ رۆژئاواى ئه‌و وڵاته‌ تێكشكا و له‌ ئاكامدا چل و حه‌وت سه‌ر نشینى ناو فرۆكه‌كه‌ گیانیان له‌ ده‌ستدا. به‌پێى روونكردنه‌وه‌كانى ئه‌و به‌رپرسانه‌، هۆكارى تێكشكانى فرۆكه‌كه‌ بۆ خراپى كه‌ش و هه‌وا ده‌گه‌ڕێته‌وه‌.

به‌پێى زانیارییه‌كانیش، فرۆكه‌ تێكشكاوه‌ له‌ جۆرى ئه‌ى تاى ئاڕ حه‌فتا و دوو بووه‌ و نزیكه‌ى په‌نجاو چوار سه‌ر نشینى تێدابوو به‌ هۆى هه‌ڵگرتنى گه‌رده‌لوول و خراپى كه‌ش و هه‌وا له‌ رۆژئاواى تایوان تێكشكا و له‌ ئاكامدا چل و حه‌وت سه‌ر نشین گیانیان له‌ ده‌ستدا و حه‌وت سه‌ر نشینه‌كه‌ى دیكه‌ برینداربوون و به‌ڵام ره‌وانه‌ى نه‌خۆشخانه‌ كران.