عه‌بدولفه‌تاح سیسى سه‌رۆكى میسر له‌ لێدوانێكدا هۆشدارى دایه‌ وڵاته‌ زلهێزه‌كانى جیهان له‌وه‌ى توندڕه‌وه‌كان هه‌وڵده‌ده‌ن ناوچه‌ى رۆژهه‌ڵاتى ناوه‌ڕاست وێران بكه‌ن و هه‌ڕه‌شه‌یش له‌ وڵاتانى جیهان ده‌كه‌ن. ئه‌م لێدوانه‌ى سیسى له‌ میانى وته‌یه‌كى هات كه‌ له‌ رێگه‌ى كه‌ناڵى ته‌له‌فزیۆنى فه‌رمى وڵاته‌كه‌یه‌وه‌ پێشكه‌ش كرد.

سه‌رۆكى میسر له‌و وته‌یه‌دا رایگه‌یاند، توندڕه‌وان ناوچه‌كه‌ ده‌روخێنن و هه‌وڵیش ده‌ده‌ن هه‌ڕه‌شه‌ بۆ سه‌ر وڵاتانى جیهانیش دروستبكه‌ن، بۆیه‌ سیسى گوتى: پێویسته‌ وڵاتانى زلهێزه‌كانى جیهان ئاگادار ئه‌وه‌ بن، ئه‌وه‌ى ئه‌مڕۆ له‌ ناوچه‌كه‌ رووده‌دات هه‌ڕه‌شه‌ و په‌یامێكه‌ كه‌ توندڕه‌وان ئاراسته‌ى وڵاتانى جیهانى ده‌كه‌ن.

سه‌رۆكى میسر داواشى له‌ وڵاتانى خاوه‌ن هێزه‌كانى جیهان كرد، كه‌ هه‌وڵه‌كانیان بۆ له‌ناوبردنى توندڕه‌وه‌كان له‌ ناوچه‌كه‌ و جیهان بخه‌نه‌ گه‌ڕ.