هێزه‌كانى سوپاى ئیسرائیل ئۆپه‌راسیۆنێكى چڕ و فراوانى سه‌ربازى بۆ سه‌ر كه‌رتى غه‌ززه‌ ده‌ستپێكردووه‌ به‌ تایبه‌تیش دواى ئه‌وه‌ى باڵى سه‌ربازى بزوتنه‌وه‌ى حه‌ماس له‌ ماوه‌كانى رابردوو ده‌ستى به‌ هه‌ڵدانى موشه‌ك بۆ سه‌ر باشوورى ئیسرائیل كردووه‌.

به‌پێى ئه‌و زانیارییانه‌ كه‌ له‌ ئاژانسه‌كانى هه‌واڵ بڵاوبوونه‌ته‌وه‌، ئۆپه‌ڕاسیۆنه‌ سه‌ربازییه‌كه‌ى ئیسرائیل بۆ سه‌ر كه‌رتى غه‌ززه‌ له‌ رێگه‌ى فرۆكه‌ جه‌نگییه‌كانه‌وه‌ ده‌ستپێكردووه‌ و به‌ره‌ به‌یانى ئه‌مڕۆش فرۆكه‌ جه‌نگییه‌كانى ئیسرائیل به‌ چڕى چه‌ند ناوچه‌ و شوێنێكى كه‌رتى غه‌ززه‌ى بۆردمانكرد و رووخاندوویه‌تى، كه‌ چه‌كدارانى كه‌تائیب قه‌سامى باڵى سه‌ربازى حه‌ماس بۆ هه‌ڵدانى موشه‌كى بۆ سه‌ر باشوورى ئیسرائیل به‌كارى هێناون. هه‌ر به‌پێى زانیارییه‌كان له‌و هێرشه‌ ئاسمانییه‌دا نۆ كه‌س برینداربوونه‌.