ئەو گەنجە فەڕەنسیانەی لە مانگی كانوونی یەكەمی رابردوو بەمەبەستی جیهاد فەرەنسایان جێهێشتبوو و بەرەو سووریا رۆیشتبوون، چەند هەفتەیەك دەبێت گەڕاونەتەوە وڵاتەكەیان، سەرلەبەیانی ئەمڕۆ سێشەممە لە شاری ستراسبۆرگ لە رۆژهەڵاتی فەڕەنسا دەستبەسەركران.

بیرنارد كازنۆڤ-ی وەزیری ناوخۆی فەرەنسا جەختی لەوەكردەوە، كە ئەمڕۆ شەش كەس بە گومانی ئەوەی لە سووریا جیهادی بوون و دواتریش گەڕاونەتەوە بۆ فەڕەنسا دەستبەسەركراون و گوتیشی "پلانەكەمان لە دژی تۆڕە تیرۆریستییە پەیوەندیدارەكان پتەوە و بە باشی بەڕێوەدەچێت".

سەرچاوەیەكی نزیك لە كەیسی جیهادیە فەرەنسییەكان بە ماڵپەڕی لو ئێكسپغێس-ی فەرەنسی گوتووە " نزیكەی 780 كەس كە لە فەرەنسا دەژین و لە نێویان 285 كەسی فەرەنسی هەیە تاوەكو ئێستا چوونەتە سووریا بە مەبەستی جیهاد" هەروەها گوتیشی "مردنی نزیكەی 30 كەسیان بووەتە هۆی ئەوە هەندێكیان بگەڕێنەوە".

مانگی ئایاری رابردوو كازنۆڤ رایگەیاند " 25 كەس لە جیهادیە فەڕەنسییەكان لە سەرەتای دەستپێكردنی شەڕەوە تاوەكو ئێستا لە سووریا كوژراون و چاوەڕێش دەكرێت سەدانیان لە ماوەكانی داهاتوو بگەڕێنەوە".




رووداو