هێرشێكی چه‌كداریی بۆ سه‌ر كۆشكی كۆماری یه‌مه‌ن، كوژراوی لێكه‌وته‌وه
به‌پێی زانیارییه‌كان، هێرشه‌كه له‌لایه‌ن چه‌ند چه‌كدارێكی نه‌ناسراوه‌وه بووه، به‌سواری دوو ئۆتۆمبێل كه‌یه‌كێكیان له‌جۆری نیسان و ئه‌وی دیكه‌شیان له‌جۆری تۆیۆتا هایلۆكس، چه‌كداره‌كان له‌و په‌لاماره‌دا چه‌ك و ئار بی جی یان به‌كار هێناوه.
له‌به‌رامبه‌ردا پاسه‌وانانی گاردی كۆماری یه‌مه‌ن، به‌رپه‌رچی هێرشه‌كه‌یان داوه‌ته‌وه‌و به‌هۆیه‌وه ده‌نگی ته‌قه‌ی زۆر له‌ناوچه‌ی ده‌وروبه‌ری كۆشكی كۆماری بیستراوه، وپێده‌چێت پێكدادانه‌كه درێژه‌ی هه‌بێت، به‌وته‌ی شایه‌تحاڵه‌كان.
پێشریش، هه‌ر ئه‌مڕۆ، كاروانی ئۆتۆمبێله‌كانی وه‌زیری به‌رگری یه‌مه‌ن و سه‌رۆكی ده‌زگای ئاسایش كه‌وتنه بۆسه‌ی كۆمه‌ڵێكی سه‌ر به رێكخراوی قاعیده، له‌كاتی گه‌ڕانه‌وه‌یان له ناوچه‌ی محفه‌د له ئه‌بین به‌ره‌و عه‌تق له‌پارێزگای شبوه، به‌و هۆیه‌وه پێكدادان له‌نێوان پاسه‌وانه‌كانی وه‌زیری به‌رگریی و چه‌كداره‌كانی سه‌ر به‌قاعیده رویدا، بێئه‌وه‌ی زیانی گیانیی لێبكه‌وێته‌وه.
خه‌ندان
