تۆڕى سوریا بۆ مافه‌كانى مرۆڤ رایگه‌یاند ژماره‌ى كوژراوانى دوێنێ گه‌یشته‌ 50 كه‌س كه‌ 19 كه‌س له‌ ریف دیمه‌شق و 13 كه‌س له‌ حه‌ما و حه‌وت كه‌س له‌ ده‌رعا و ئه‌وانى دیكه‌ش له‌ ئیدله‌ب و حه‌له‌ب و لازقیه‌ و حمس و دێرئه‌لزور بوون.

هه‌روه‌ها له‌ چه‌ند ناوچه‌یه‌كى دیكه‌ى جیاجیاى سوریا شه‌ڕوپێكدادان و تۆپبارانكردن روویدا. هه‌رله‌و چوارچێوه‌یه‌دا سه‌رچاوه‌كان ئاماژه‌یان به‌وه‌شكرد شه‌وى رابردوو به‌مه‌به‌ستى گه‌یشتنى یارمه‌تیه‌ مرۆییه‌كان بۆخه‌ڵكى شاره‌كه‌ بۆ ماوه‌یه‌كى كاتى شه‌ڕوپێكدادان له‌ نێوان هێزه‌كانى ئۆپۆزسیۆن و سوپاى رژێم له‌ شارى حه‌له‌ب راگیرا.