له شه‌ڕی دوو بنه‌ماڵه‌دا 19 كه‌س كوژران
محه‌مه‌د سرور یاریده‌ده‌ری بریكاری وه‌زاره‌تی ته‌ندروستی میسر له ئه‌سوان وتی: "له شه‌ڕی نێوان هه‌ردوو خێڵی هه‌لایل و دابودیه له ناوچه‌ی سه‌یل ئه‌لریف، 19 كه‌س كوژران و 27ی تریش برینداربوون".
سه‌رچاوه‌یه‌كی ئه‌منیش رایگه‌یاند: "له شه‌ڕه‌كه‌دا كه به‌هۆی ناكۆكی نێوان قوتابیانی سه‌ر به دوو بنه‌ماڵه‌كه‌وه دروستبووه، چه‌ك به‌كارهاتووه".
ئاماژه‌شی به‌وه‌دا كه دوێنێ شه‌ڕه‌كه دروست بووه و ئه‌مڕۆش سه‌ری هه‌ڵداوه‌ته‌وه، به‌ر له‌وه‌ی هێزه ئه‌منییه‌كان بارودۆخه‌كه كۆنترۆڵ بكه‌ن و كۆتایی به شه‌ڕه‌كه بهێنن، له كاتی شه‌ڕه‌كه‌شدا چه‌ندین ماڵی سه‌ر به هه‌ردوو بنه‌ماڵه‌كه سووتێنران.
خه‌ندان
