كۆمەڵەی گشتی نەتەوە یەكگرتووەكان 14 وڵاتی وەك ئەندامی ئەنجومەنی نەتەوەكان بۆ مافی مرۆڤ هەڵبژارد كە كیشوەرەكانی ئەفریقیاو ئاسیا و زەریای هێمن و ئەمریكای لاتینی و رۆژهەڵات و رۆژئاوای ئەوروپا لەخۆ دەگرێت.

لەوبارەیەوە ئاژانسی هەواڵی بی بی سی بڵاویكردوە كە لەدەنگدانێكی نهێنیدا 14 كورسی دابەش كران بەسەر كیشوەرەكانی ئەفریقیا و ئاسیا و زەریای هێمن و ئەمریكای لاتینی و رۆژهەڵات و رۆژئاوای ئەوروپا هەڵبژێردران.

سەرچاوەكان باسیان لەوەش كردوە دوای كاندیدكردنی روسیا و مەكەدۆنیا وەك نوێنەرانی رۆژهەڵاتی ئەوروپاو، بەریتانیانو فەرەسنا وەك نوێنەرانی رۆژئاوای ئەوروپا بێ پێشبركێ هەڵبژێردران لەكاتێكدا 5 ولاتی ئەفریقیا كە پێكهاتبون لە جەزائیرو مەغریب و نامیبیاو باشوری سۆدان و باشوری ئەفریقیا، پێشبركێیان لەسەر 4 كورسی ئەو كیشوەرە ئەنجامدا.

هەریەك لە ووڵاتانی كۆباو مەكسیك و ئۆرگوای پێشبركێیان كرد لەسەر كورسی ئەمریكای لاتینیكرد. جێ باسە ئەنجومەنی نەتەوە یەكگرتوەكانی بۆ مافی مرۆڤ كە 47 ئەندام لەخۆ دەگرێت لەرێگای دەنگدانی نهێنی بەكۆی دەنگ ئەندامەكانی هەڵبژارد.