جێگری سەرکۆماری پێشووی ئەمریکا وێڕای پێداگری لەسەر بێ‌ ئاکام بوونی وتووێژەکان لە گەڵ رژێمی کۆماری ئیسلامی ئێران،
خوازیاری زیادکردنی گوشارەکان و گەمارۆکان بۆسەر ئەو رژێمە.دیک چینی لە دیمانەیەکدا لە گەڵ کەناڵی ( ئەی. بی. سیی) ئەمریکا رایگەیاند:
دانیشتنەکان و وتووێژ کردن لە گەڵ رژێمی کۆماری ئیسلامیی ئێران هیچ کاریگەرییەکی لە سەر پرسی ناوکیی ئێران نییه و هیچ ئاکامێکی ئەرێنی لێ ناکەوێتەوە.
جێگری جۆرج بوش سەرکۆماری پێشووی ئەمەریکا، خوازیاری زیادکردنی گوشارەکان و هەروەها چڕترکردنی گەمارۆکان لە دژی ئێرانە و ئاماژەی بەوەش داوە که سەبارەت بە پرسی ناوکیی ئێران و ئەم دۆخەی ئێسته‌، هیچ متمانەیەکی به دەوڵەتی باراک ئوباما نییه.چینی لە زاری دیپلۆماتکارانی رۆژهەڵاتی ناوەڕاستەوە، رایگەیاند : رژێمی ئێران وەک رژێمی بەشار ئەسەد، تەنیا بانگەشەی ئاشتی دەکات و هیچکام لە دروشمەکانی خۆی بۆ ناچێتە بواری جێبەجێ کردنەوە.دیک چینی لە ساڵەکانی 2001 هەتا 2009ی زایینی بۆ ماوەی دوو خولی سەرکۆماریی جۆرج بوش، وەکو جێگری سەرکۆمار و دووهەمین سیاسەتمەداری ئەمه‌ریکا ناسراوە و هەروەها لە هێرشی سەربازی بۆ سەر عیێراق و ئەفغانستان رۆڵێکی بەرچاوی بووە.