دكتۆر رۆژ نووری شاوەیس لەگەڵ جێگری سەرۆك كۆماری ئێران کۆبۆوه
دكتۆر \""رۆژ نووری شاوەیس\"" جێگری سەرۆك وەزیرانی حكومەتی عێراقی فیدراڵ كە بە یاوەریی شاندێكی پایەبەرزی پێكهاتوو لە چەندین وەزیر و جێگری وەزیر و بەرپرسانی بانكی و سەرمایەگوزاری عێراق سەردانێكی تارانی كردووە، پێشنیوەڕۆی ئەمڕۆ چوارشەمە 15ی ئاب / ئۆگۆستی 2012، لە بینای توێژینەوەكانی كاروباری نێودەوڵەتیی سەرۆك كۆماری ئێران، لەگەڵ دكتۆر \""عەلی سەعیدلوو\"" جێگری سەرۆك كۆماری ئێران لە كاروباری نێودەوڵەتیدا کۆبوونه‌وه و سەبارەت بە پەیوەندیی بازرگانی، ئابووری و سەرمایەگوزاری لە نێوان دوو لایەندا گفتوگۆیان کرد.
لەم سەردانەدا، \""رافع العیساوی\"" وەزیری دارایی، \""خەیروڵڵا حەسەن بابەكر\"" وەزیری بازرگانی، \""ئەحمەد ناسر دەلی\"" وەزیری پیشە سازی و كانزاكان، \""سنان محەمەد رەزا الشبیبی\"" سەرۆكی بانكی ناوەندی عێراق، \""سامی رەئووف الارجی\"" سەرۆكی رێكخراوەی نەتەوەیی، \""مه‌هدی سەمەد القەیسی\"" جێگری وەزیری كشتووكاڵ و چەندین بەرپرسی عێراقی، جێگری سەرۆك وەزیرانی حكومەتی عێراقی فیدراڵ ئاماده‌ی چاوپێکه‌وتنه‌که بون و لە شاندی ئێرانیش تەواوی وەزیرانی په‌یوه‌ند بە كاروباری تیجاری، بازرگانی و پیشەسازی بەشداری ئه‌م کۆبوونه‌وه‌یه بوون.
بڕیاروایە دوانیوەڕۆی ئەمڕۆ دكتۆر \""رۆژ نووری شاوەیس\"" و شاندی یاوەری چاویان به \""محەمەد رەزا رەحیمی\"" جیگری یەكەمی سەرۆك كۆماری ئێران، دكتۆر \""سەعید جەلیلی\"" سه‌رۆکی ئه‌نجومه‌نی ئاسایشی نەتەوەیی ئێران و دكتۆر \""عەلی لاریجانی\"" سەرۆكی پەرلەمانی ئێران، بکه‌وێت.
"
