بڕیارە ئەمڕۆ دووشەم خالید چەویك جێگرى وەزیرى دەرەوەى توركیا سەردانى تارانى پایەتەختى ئێران بكا و لەگەڵ بەرپرسانى وەزارەتى دەرەوەى ئێران كۆ بێتەوە.
بڕیار وایە چەویك لەو سەردانەى چاوى بە عەلى ئەكبەر ساڵحى وەزیرى دەرەوەى ئێران و هاوتا ئێرانییەكەى بكەوێ، ئاژانسى دەنگوباسى (ئیرنا)ى ئێرانى ئەم هەواڵەى گواستەوە.

لە كۆبوونەوەى جێگرى وەزیرى دەرەوەى توركیا و بەرپرسانى ئێران لەبارەى پێوەندییەكانى نێوان هەردوو وڵات و دۆخى ناوچەكە و پرسە ناودەوڵەتییەكان گفتوگۆ دەكرێن، بەپێى هەمان سەرچاوە.

هاوكات دوێنێ یەكشەم وەلید موعەلیم وەزیرى دەرەوەى سووریا بە سەرۆكایەتیی شاندێكى باڵاى وڵاتەكەى گەیشتە ئێران و لەگەڵ هەریەك لە عەلى لاریجانى سەرۆكى پەرلەمانى ئێران و عەلى ئەكبەر ساڵحى وەزیرى دەرەوەى ئێران كۆبووەوە.















ئاكانیوز