(میت ڕۆمنی‌) كاندیدی‌ كۆمارییه‌كان بۆ پۆستی‌ سه‌رۆكایه‌تی‌ ویلایه‌ته‌ یه‌كگرتووه‌كانی‌ ئه‌مریكا، پێشنیوه‌ڕۆی‌ ئه‌مڕۆ (29-7-2012) له‌گه‌ڵ (بنیامین نه‌تانیاهۆ) سه‌رۆك وه‌زیرانی‌ ئیسرائیل، له‌ته‌لئه‌بیب كۆبوونه‌وه‌.

به‌گوێره‌ی‌ چه‌ند زانیارییه‌ك كه‌ ده‌ست (NNA) كه‌وتوون، دیدارو كۆبوونه‌وه‌كه‌ی‌ نێوان ڕۆمنی‌‌و نه‌تانیاهۆ تا ئێستا ئاشكرا نییه‌، به‌چ مه‌به‌ستێكه‌‌و چۆن به‌و شێوه‌ كتوپڕه‌‌و بێ‌ ڕاگه‌یاندنی‌ پێشوه‌خت ئه‌نجامدراوه‌.

به‌گوێره‌ی‌ لێكدانه‌وه‌ی‌ هه‌ندێك شاره‌زای‌ سیاسیش، سه‌ردانه‌كه‌ی‌ ڕۆمنی‌ به‌مه‌به‌ستی‌ به‌ده‌ستهێنانی‌ پشتیوانی‌ لۆبییه‌ یه‌هودییه‌كانی‌ ئه‌مریكایه‌ بۆ هه‌ڵبژاردنه‌ سه‌رۆكایه‌تییه‌كه‌ی‌ ئه‌مریكا‌و مسۆگه‌ركردنی‌ پۆستی‌ سه‌رۆكایه‌تی‌ ئه‌مریكا.