كاندیدەكانى سەرۆكایەتیى میسر هێرش دەكەنە سەر ئیسرائیل
ئەحمەد شەفیق فەرماندەى پێشترى هێزە ئاسمانییەكانى میسر و سەرۆك وەزیرانى ئەو وڵاتە لە سەردەمى حوسنى موبارەكدا، جەختى كرد لە شەڕى بڕست لێ بڕینى نێوان میسر و ئیسرائیل لە ساڵى 1969 و 1970دا دوو باڵەفڕى ئیسرائیلى خستووەتە خوارەوە.
شەفیق كە بەپێى راپرسییەك لە ریزبەنددا سێیەمە، لە بەیاننامەیەكدا ئاماژەى بەوە داوە بە كۆشش و تواناى خۆى بووەتە فەرماندەى هێزە ئاسمانییەكانى میسر.
عەبدولمونعیم ئەبولفتوح كاندیدى ئیسلامى و سەركردەى پێشووى ئیخوان موسلیمین، ئیسرائیلى بە دەوڵەتێكى \"رەگەزپەرست\"" لەقەڵەم دا كە 200 كڵاوەى ناوكى هەیە و جێى مەترسییە بۆ میسر و جەختى كرد، پێویستە چاو بە پەیماننامەى ئاشتیی نێوان میسر و ئیسرائیل لە ساڵى 1979 بخشێنرێتەوە.
ئەبولفتوح لە لێدوانێكیدا بۆ (بی بی سی) روونى كردەوە، ئەو هەر لە سەرەتاوە بەو پەیماننامەیە نەیار بووە و هێشتایش لەو باوەڕەدایە پەیماننامەكە \""هەڕەشەیە بۆ سەر ئاسایشى نەتەوەیى میسر و دەبێ چاوى پێدا بخشێنرێتەوە\"".
لاى خۆیەوە عەمر مووساى ئەمیندارى پێشووى كۆوەندى عەرەبی و كاندیدى هەڵبژارنە سەرۆكایەتییەكەیش داواى چاوخشاندنەوە بە پەیماننامەى ئاشتى لەگەڵ ئیسرائیل كرد و سیاسەتى ئەو وڵاتەى بەرامبەر فەڵەستینییەكان، بە بەشێك لە ئاسایى نەتەوەیى میسر لەقەڵەم دا."