باراك ئۆباما سهرۆكێ ئهمهریكایێ راگههاند كو ههموو رێ ل ههمبهر ئێرانێ ژبۆ كو ئهو دهستا ژ پرۆگراما خوهیا ئهتۆمى بهرده ل بهردهستن و هوشدارى ژى دا تارانێ كو واشنتۆن دێ كارهكێ لهشكهرى ل دژى وێ پێكبینه ئهگهر كو ههولێن دیپلۆماتكی د ڤى وارى ده سهرنهكهتن. باراك ئۆباما سهرۆكێ ئهمهریكایێ د ههڤدپهیڤینهكه دگهل گۆڤارا ئهتلانتیك گۆت ئهگهر كو ههولێن سیاسى و ئابوورى و دیپلۆماتیك ژبۆ رێ گرتنا ئێرانێ كو نهبه خوهدى یا چهكێ ئهتۆمى سهركهتن بدهست نهخستن، دێ ئهمهریكا رێیهكه لهشكهرى ل دژى تارانێ بكاربینه و فهرمانێ ژى دێ بده هێزێن وهلات پرۆگراما ئهتۆمى یا ئێرانێ ژناڤ ببه. ههروهها ئۆباما تهكهز كر رێ گرتن ژ ئێرانێ ژبۆ كو نهبه خوهدى یا چهكێ ئهتۆمى تهنێ د بهرژوهندا ئیسرائیلێ ده نییه، لێ بهلێ د كووراتیا بهرژوهندی یا ئاسایشا ئهمهریكایێ دهیه، ئهشكهره ژى كر پێكانینا ئێرشهكه لهشكهرى ژبال ئیسرائیلێ ڤه ل سهر تارانێ دێ دهرئهنجامێن وێ یێن بهرۆڤاژى ههبن. سهرۆكێ ئهمهریكایێ بالكشانده سهر وێ یهكێ ژى كو وهلاتێن دهڤهرێ قهبول ناكن ئێران ببه خوهدى یا چهكێ ئهتۆمى، دازانین ژى ئهو وهلات ب سهرپهرشتیكرنا رێخستى یا تهرۆریستیا القاعیده تێ ناسكرن و وێ دهمێ ژى دێ ترسا بهلافبوونا چهكێ ئهتۆمى هێژى بێتر بكه.
ل ئالیێ دى كوچكا سپى هوشدارى ل ههمبهر بكارئانینا ههر كارهكێ لهشكهرى ل دژى ئێرانێ دا دبێژه كریارهكه وهها دبه سهدهما ئالۆزبوونا دهڤهرا رۆژههلاتا ناڤین و ژیانا سهربازان و وهلاتى یێن ئهمهریكى ل ئێراق و ئهڤغانستانێ ژى دخه ترسێ ده.
KTV ...