ئێران.. ده‌نگدان بۆ هه‌ڵبژاردنی په‌رله‌مانی نوێ به بێ ئۆپۆزسیۆن به‌ڕێوه‌چوو
دوه هه‌لبژاردتنێن پارله‌مێنتا كۆمارا ئێسلامى یا ئیرانێ هاتنه كرن. چاڤكانى یێن نووچه‌یان به‌لاڤكر كو چل و هه‌شت ملیۆن و دووسه‌د و هه‌شتێ و هه‌شت هه‌زار و هه‌ڤسه‌د و نۆد و نه‌ه كه‌سان مافێ ده‌نگدانێ هه‌بوو. پێكانینا پرۆسێسا هه‌لبژارتنێن پارله‌مێنتا ئیرانێ د ده‌مه‌كێ ده‌یه كو هن ئالی ژ وان ژى ریفۆرمخوازان به‌شدارى تێده نه‌كر و بایكۆتا خوه راگه‌هاندبوو، هه‌روه‌ها داخواز ژ وه‌لاتیان ژى كربوو به‌شداریێ تێده نه‌كن. ژبال خۆڤه ئه‌یاتولا عه‌لى خامنه‌یى رێبه‌رێ بلندێ ئیرانێ داخواز ژ وه‌لاتیان كر به‌شداریێ د هه‌لبژارتنێن پارله‌مێنتێ ده بكن.
وه‌كى دن د داخویانیه‌كێ ده ژبۆ كه‌نالا عه‌ره‌بیه یوسف عه‌زیزى به‌رهنگارێ ئێرانێ راگه‌هاند كو هه‌لبژارتنێن دوه هه‌لبژاردنه‌كه ئاسایشێ بوویه و ب شانۆیه‌كه سه‌ركه‌تى ژى قه‌بولكر. هه‌روه‌ها عه‌زیزى بالكشانده سه‌ر وێ یه‌كێ رێژه‌یا به‌شداریكرنا وه‌لاتیان د هه‌لبژارتنان ده ل تاران و هن باژێرێن دن دى ژ سه‌دێ بیست بوویه، دازانین ژى ژبلى فارسان تو نه‌ته‌وێن دن یێن ئیرانێ به‌شدارى د هه‌لبژارتنێن پارله‌مێنتێ ده نه‌كرنه. هه‌ر د ڤى وارى ده هاشمى ره‌فسه‌نجانى سه‌رۆكێ جڤاتا به‌رژه‌وه‌ندى یێن بلندێن ئیرانێ بێ كو پشتگیریا خوه ژبۆ تو ئالیان دیار بكه، به‌شدارى د ده‌نگدانێ ده كر.
هه‌ڤده‌م به‌رپرسیارێ هه‌لبژارتنێن پارێزگه‌ها تارانێ داخویانیا عه‌زیزى یا ل دۆر رێژه‌یا به‌شداریكرنا وه‌لاتیان د هه‌لبژارتنێ ده ره‌تكر و راگه‌هاند كو ل تارانێ رێژه‌یا به‌شداریكرنێ ژ سه‌دێ چل بوویه. وه‌كى دى ولیام هێگ وه‌زیرێ ده‌رڤه یێ به‌ریتانیایێ راگه‌هاند كو هه‌لبژارتنێن پارله‌مێنتا ئیرانێ ب ئاواكێ پاك و ئازاد نه هاتنه پێكانین و ئه‌ڤ یه‌ك ژى به‌رۆڤاژى یا ئیرادا گه‌لێ ئیرانێ یه.
