سەرۆكى توركیا سەرۆكێكى كاتى بۆ ئەركانى سوپا دادەمەزێنێ
تۆڕى هەواڵى CNNى توركى راى گەیاند هەریەك لە ئەردال گەیلان ئۆغڵو فەرماندەى هێزە وشكانییەكان، ئەشرەف ئۆغۆر ییت فەرماندەى هێزە دەریاییەكان و حەسەن ئەكساى فەرماندەى هێزە ئاسمانییەكانیش وازنامەیان پێشكێش كردووە، بەڵام زانیاریى پێویست لەبارەى دەست لەكاركێشانەوەى نەجدەت ئۆزل فەرماندەى هێزەكانى دەرەك لەبەردەستدا نییە.
ئەمڕۆ شەموو ئاژانسى دەنگوباسى (ئیرنا)ى رەسمیى ئێران لە \"سەرچاوەكانى هەواڵ\""ى گواستەوە، دواى ئەو دەست لەكاركێشانەوە دەستەجەمعییە، عەبدوڵا گویلى سەرۆكى توركیا جەنەراڵ \""نەجدەت ئۆزال\""ى كردووە بە فەرماندەى هێزى وشكانى و سەرۆكى ئەركانى سوپاى توركیا بەوەكالەت.
بی بی سی لە زارى كوشانرى گواستووەتەوە، كە وەك ناڕەزایى دەربڕین بەرامبەر بەردەوامیى دادگەییكردنى نێزیكەى 250 ئەفسەرى سوپاى توركیا بەتۆمەتى هەوڵدان بۆ ئەنجامدانى كودەتا بەسەر حكوومەتەكەى رەجەب تەیب ئەردۆگاندا، بڕیارى خۆخانەنشینكردنى داوە."