سەركردەیەكى رێكخراوى قاعیدە لە نیوەدورگەى عەرەبی داواى كوشتنى شاعەبدوڵاى شاى عەرەبستانى سعوودى و ئەندامانى بنەماڵەكەى كرد. فرانس پرێس ئەمڕۆ گواستیەوە.
قاسم ئەلریمى ناسراو بە \"ئەبوهورەیرە ئەلسەنعانى\"" لە تۆمارێكى دەنگیدا كە ماوەكەى حەوت خولەكە و دوێنێ هەینى لە یەكێك لەو ماڵپەڕانەى چاودێریى ماڵپەڕە جیهادییەكان دەكات بڵاوى كردووەتەوە، گوتى \""عەبدوڵا كوڕى عەبدولعەزیز (شاى سعوودیە) و جێنشینەكەى و وەزیرى ناوەخۆكەى و محەمەدى كوڕى بەلاى ئێمەوە لە ئاین وەرگەڕاون و پێویستە بكوژرێن\"".

ریمى روو بە بنەماڵەى دەسەڵاتدارى عەرەبستانى سعوودى گوتى \""بەڵێنتان دەدەینێ كە شەڕەكانمان لەدژى جولەكە و گاورەكان لەئێوەمان بێئاگا ناكات\"".

هەروەها گوتى \""ئەى دەسەڵاتدارانى ئال سعوود! لە خواى گەورە داواكارم پشتتان بشكێنێ، پەرتەوازە و سەرگەردانتان بكات، دەسەڵاتەكەتان تێكوپێك بشكێنێ و ببن بە پەند\"".

ئەبوهورەیرە لە تۆمارە دەنگیەكەیدا ئاماژەى بەوە داوە كە دەسەڵاتدارنى سعوودیە لە 5 شوبات/فێبرایەرى رابردوودا كۆمەڵێ ئافرەتیان گرتووە كە بەمەبەستى ئازادكردنى كوڕ و مێردەكانیان لەبەردەم وەزارەتى ناوەخۆدا خۆپێشاندانیان كردبوو.

بەگوتەى ناوبراو ئەو ئافرەتانە لە بەندیخانەدا \""دەستدرێژی\""یان كراوەتە سەر و بەڵێنى تۆڵەكردنەوەیان دەدات.
"