بنەماڵەی فەلەکەدین کاکەیی، هەواڵێکی ڕۆژنامەی ئاوێنە ڕەت دەکەنەوە
دەقی روونكردەوەی بنەماڵەی نووسەر و ڕووناكبیری كۆچكردوو فەلەكەددین كاكەیی:
لە بنەماڵەی خۆالێخۆشبوو فەلەكەددین كاكەیی ـیەوە بۆ ڕای گشتی
بەداخەوە لە ماڵپەری (ئاوێنە نیوز) لە رێكەوتی 10/9/2013 هەواڵێكی بێبنەما لەسەر مردنی مامۆستا فەلەكەددین كاكەیی و ئەنجامنەدانی چلەی ماتەمینی بڵاو كراوەتەوە كە ئێمە وەك بنەماڵەی خوالێخۆشبوو ئەم هەواڵە رەت دەكەینەوە و هەموو لایەك دڵنیا دەكەینەوە كە لە رێكەوتی 12/9/2013 لە هەولێری پایتەخت لە مەراسیمێكی شایستەدا چلەی ماتەمینی ساز دەدرێت و تیایدا وتاری حكوومەتی هەرێم و لایەنە سیاسییەكان و وتاری بنەماڵەی فەلەكەددین كاكەیی دەخوێندرێتەوە.
بە پێویستی دەزانین ڕایبگەیەنین كە هیچ كەس و لایەنێك بۆی نییە بە ناوی بنەماڵەی فەلەكەددین كاكەییەوە لێدوان بدات جگە لە بنەماڵەكەی خۆی، هاوكات سوپاس و پێزانینی خۆمان ئاراستەی هەموو ئەو خۆشەویستانە دەكەین كە هاوسۆز و هاوخەمن لەگەڵ ئێمەدا.
لەگەڵ رێز و سوپاس - بنەماڵەی خوالێخۆشبوو فەلەكەددین كاكەیی\"
پێشتر هەفتەنامەی ئاوێنە، لە زاری چەند كەسێكەوە بڵاوی كردەوە، كە بنەماڵەكەی گومانیان لە مردنی فەلەكەددین كاكەیی هەیە، بۆیە تا ئێستاش چلەی ماتەمینی بۆ نەكراوە."
