له‌ رۆژی جیهانی سینه‌ما یادێك بۆ سینه‌ما له‌ هەولێر ساز ده‌كرێت

له‌ رۆژی جیهانی سینه‌ما یادێك بۆ سینه‌ما له‌ هەولێر ساز ده‌كرێت
24ی کانوونی یەکەم/دیسەمبەر(گوڵان میدیا)- له‌ درێژه‌ی كارو چالاكییه‌كانی وه‌زاره‌تی رۆشنبیری و لاوان، به‌ڕێوه‌به‌رایه‌تی گشتی هونه‌ر و وه‌رزش و لاوان –هه‌ولێر،‌ به‌ڕێوه‌به‌رایه‌تی سینه‌مای هه‌ولێر ئێواره‌ یادێك به‌بۆنه‌ی رۆژی جیهانی سینه‌ماوه‌ ساز ده‌كات.
ئه‌‌م ئێواره‌ یاده كه‌ له‌ سینه‌ماكانی رۆیاڵ مۆڵ ساز ده‌كرێت چه‌ندین بڕگه‌ و به‌رنامه‌ له‌ خۆ ده‌گرێت له‌وانه‌ دابه‌شكردنی چه‌ند بڵاوكراوه‌یه‌كی سینه‌مایی، و نیشاندانی چه‌ند ترایله‌رێكی فیلمی بیانی، نیشاندانی فیلمێكی تۆماری له‌سه‌ر سینه‌ما له‌ كوردستان، نیشاندانی كورته‌ فیلمی بیانی، نیشاندانی ترایله‌ری فیلمی كوردی گرفته‌كانی چارلی و خه‌ڵات كردنی 10 سینه‌ماكاری كورد وێڕای پێشكه‌ش كردنی چه‌ند وته‌یه‌كی تایبه‌ت به‌ سینه‌ما له‌م یاده‌دا.
مه‌راسیمی یاد كردنه‌وه‌ی رۆژی جیهانی سینه‌ما رۆژی 28/12/2012 كاتژمێر 5ی ئێواره‌ ساز ده‌كرێت و هاتن بۆ هه‌مووانه‌.
Top