prosekey tremp tenya dûrxstnewey kesêk nîye darştnewey heykele û drustkrdnewey syasetî derewey emrîkaye


leduay serheldanî da'ş û kewtnî musl û rageyandnî dewletî xelafetî îslamî le huzeyranî 2014، syasetî derewey emrîka be astêk geyştbuwe bnbest ke dîmukratekan pêş komarîyekan geyştbûne eu qenaetey ke eu syasete nek her natwanêt mamele legel kêşekanî rojhelatî nawerast bkat، belku berdewambûn leser eu syasete debête hokarî euey ke şkoy emrîka û rojawa le rojhelatî nawerast û cîhan kotayî bêt، her boye barak obama lemangî abî 2014 û duay euey da'ş hêrşî krde ser kurdstan û paş euey bînî hêzî pêşmerge eu hêzeye ke leser zewî detwanêt da'ş rabgrêt، ewe bû syasetî xoy gorî û pştgîrî xoy bo şerî djî da'ş rageyand û le 11î eîlûlî 2014 û duay euey hêzî pêşmergey kurdstan (zmmar û bendawî musl)î le tîrorîstanî da'ş pak krdewe، stratîjyetî (têkşkan û le rîşehelkêşanî da'ş)î rageyand، lemeş zyatr balyoz cîms cêfrî ke pêştr balyozî îdarey obama bû le bexda، sebaret be serkewtnekanî pêşmerge le têkşkandnî da'ş، le penêlêkî amojgay waşnton bo syasetî rojhelatî nzîk raşkawane eu pêşnyarey xsterû û gutî: «eger bmanewêt da'ş leser zewî têkbşkênîn، ewa debêt hêzêk be hawşêwey hêzî pêşmerge le sûrya û êraq drust bkeyn û nawçekanî dîkeş le da'ş pak bkrênewe)، belam ne îdarey emrîkî û ne dewletanî hawpeymanîî djî da'ş، neyantwanî ne le êraq û ne le sûryaş hêzêkî hawşêwey pêşmerge drust bken، emeş bew manayeî hem twanay euey hebêt da'ş têkbşkênêt û hemîş exlaqî serbazî lew asteda bêt ke freyî û pêkewejyan bparêzêt، her boye syasetî îdarey obama lekotayî 2014 leşerî djî da'ş behoy hêzî pêşmergewe le êraq wek syasetêkî serkewtû le qelem dra، le sûryaş robert ford helsûrênerî syasetî emrîka le sûrya le îdarey obama destî lekarkêşayewe û paşanîş rûsya hate naw şerî sûrya û emrîka le hawkêşey şerî da'ş le sûryada perawêzxra، herwek çon êstaş her perawêze.
lesalî 2016 û legel destpêkî helmetekanî helbjardn û legel euey têkray raprsîyekan amajeyan bo ewe dekrd (hîlarî klînton) helbjardn debatewe û debête serokî dahatuuy emrîka، belam leser astî herdû hzbî (komarî û dîmukratî) çend lîjneyekî zor taybetmend drust bûn ke be drêjayî salî 2016 xerîkî darştnî propozelêkî nwê bûn bo syasetî tazey emrîka bo êraq û rojhelatî nawerast، emeş manay eweye heta eger (hîlarî klînton) yş bbwaye beserokî emrîka، ewa neydetwanî drêje be heman syasetî îdarey obama bo êraq û rojhelatî nawerast bdat.
belam katêk snduqekanî dengdan (tremp)î helbjard bo serokî emrîka، dîmukratekan tûşî şok bûn û bo yekemîn car le mêjuuy emrîkada، partî komarî pştgîrî eu xopîşandaney dekrd ke djî snduqekanî dengdan û derçûnî tremp le şeqamekanî emrîka berêwe deçûn، lemeş zyatr partî komarî hemû hewlêkî xoy xste kar bo euey îdarey tremp serkewtû nebêt û tremp naçar bken lemawey kemtr le salîkda dest lekar bkêşêtewe.
tremp bo cêbecêkrdnî eu bernameyeî le helmetî helbjardnekanda raygeyandbû ke belênî be gelî emrîka dabû، cêbecêyan bkat، stafêkî helbjardbû ke her leseretay dest bekarbûnyewe rûberuuy çendîn asteng buwewe ke bedest lekarkêşanewey (maykl flîn) destî pêkrdu lecêgey (makmaster) danra، paşanîş kardanewekanî dewletanî nato û yekêtî eurupa û hawpeymanekanî dîkey emrîka، sebaret bew mîtode tazeyeî syasetî tremp، waykrd zeminyekî lebar bo rûsya drust bêt û baştr sûd lew naseqamgîrîye werbgrêt ke hawdjî nêwan stafî serekîî syasetî derewey emrîka legel serok tremp drustî krdbû.
donald tremp wek le korbendî davus leseretay 2018 raygeyand، lemawey salî yekemî serokayetyekey zyatr serqalî prse nawxoyyekanî emrîka buwe، le gutarekeşîda şanazî bewe dekrd ke çon twanîwyetî lemawey em saleda bnaxey emrîkayekî taze lenawxoda dabrêjêtewe، belam leser astî syasetî derewe، emrîka tewau şkoy hatbuwe xwarewe û şeredenûkî nêwan donald tremp û kîm cong onî serokî koryaî başûr geyştbuwe euey kamyan zûtr dest be dugmey çeke etomîyekanda denên، leser astî rojhelatî nawerast، turkya be tewawetî çûbuwe berey êran û rûsya û be rêgey qeter hereşey le erebstanî sodye dekrd، encumenî harîkarîî dewletanî kendaw ke be drêjayî sedey bîstem hawpeymanî emrîka bûn، behoy nakokîî nêwanyanewe be krdeyî leberyek helweşabuwewe، lemeş xraptr، êran be hawkarî êraq û sûrya، pştêney hîlalî şîî tewau krdbû û mîlîşyakanî heşdî şe'bî û mîlîşyakanî seyde zeyneb û fatîme be hawkarî mîlîşyakanî hzbulay lubnanî le nzîk berzayyekanî colan lenaw sûryawe û le başûrî lubnanewe، îsraîlyan xstbuwe jêr hereşey rastewxowe، dîsan her behoy helekanî syasetî emrîkawe، gelekomekîyekî çend qolî lelayen bexdaw taran û enkere djî kurdstan drustkraw beşêkî zorî kurdstan dagîrkranewe û çendîn cor gemaroy abûrî û asmanî beserda sepêndra.
serok tremp pêş euey 100 roj le postekey tewau bkat، be muşekbarankrdnî sûrya hewlîda şêwazêkî tazey syasetî emrîka beramber nawçeke pîşan bdat، herweha bepştgîrîkrdnî gemaroy çwarqolî (sodye û îmarat û behrên û mîsr) leser qeter، hewlîda hawpeymanekanî têbgeyenêt ke debêt xotan rast bkenewe، belam hemû em hewlaney tremp lelayen wezîrî derewe û bergrî û rawêjkarî asayşî neteweyî emrîka astengî bo drust dekra، leberamberîşda her dewlet û layenêk pştî be syasetî emrîka lekêşekanda bestbêt، wek sodyeî beser dehat ke her hengawêkî heldegrt leber euey stafî drustkrdnî syasetî derewey emrîka legel serok hawra nebûn، paşan be şkstî sodye kotayî dehat، her lem çwarçêweyeşda hkumetî êraq be pştgîrî êran twanî hêrş bkate ser kurdstan.
donald tremp le kotayî salî 2017 be tewawetî geyşte eu qenaetey ke debêt syasetî derewey wlatekey rast bkrêtewe، bo emeş bryarîda ke balyozxaney emrîka le orşelîmewe bgwazêtewe bo quds، belam wek lemawey çend mangî rabrdû têbînî krawe، wezaretî derewey emrîka be krdeyî le hewlî eweda buwe ke em bryarey tremp pek bxat û le mîdyakanîşda wezîrî derewe û wezîrî bergrî û rawêjkarî asayşî neteweyî emrîka، berdewam eweyan rageyanduwe ke bryarekey tremp، manay gwastnewey destbecêy balyozxaneke nîye bo quds، herweha sebaret be mamelekrdnî emrîkaş legel rêkkewtne etomîyeke legel êran، hîç cyawazîyek lenêwan boçûnî con kîrî wezîrî derewey serdemî barak obama û rîks tîlrsonî wezîrî derewey îdare tremp nebuwe.
psporan û twêjeranî nawendekanî fîkr û lêkolînewey syasî، leduay bryarekey tremp bedûrxstnewey tîlrson، amaje bewe deken، ke tîlrson rêgr buwe le gorînî stafî wezaretî derewey emrîka û beşî here zorî stafî wezaretî derewey emrîka، heman eu stafe bûn ke leserdemî îdarey obama، syasetî derewey emrîkayan berêwe brduwe، herboyeş duay euey bryarî dûrxstnewey tîlrson dra، stîf guldştayn yarîderî wezîrî derewey emrîka qsey leser bryarekey tremp krdbû، boye rastewxo tremp fermanî krd، euyş wezaretî derewey emrîka becêbhêlêt، emeş eweman pêdelêt، serok tremp be tewawetî geyştote eu qenaetey ke heykeley stafî wezaretî derewey emrîka pêwîstî beserlenwê darştnewe heye û syasetî derewey emrîka dûbare pêwîstî be drustkrdnewe heye، eu keseşî ke bo cêgrewey tîlrson destnîşanî krduwe ke mayk pompyoî serokî dezgay CIA wek lemawey karkrdnî lemawey 14 mangî rabrdû pîşanîdawe، beheman şêwazî tremp bîrdekatewe û her leêstawe le mîdyakanî cîhanda nawî lênrawe (trempî bçûk- Mini-Trump)