«be drêjayî mêjû her dewlet û neteweyek lenaw şerêkî çarenûssaz، yan cîhanîda leberey doraw، yan şkstxwardûda bûbêt، ewa akamekey ewe buwe، yan wlat û netewekey dabeşkrawe، yaxud be radeyek goşegîr krawe ke neytwanîwe behîç şêweyek bas le şkoy dewlet û netewey xoy bkat. belam katêk neteweyek lenaw şerêkî cîhanî wek şerî djî da'ş gewretrîn serkewtn bedest dehênêt û efsaney dewletêkî tîrorîstî wek xelafetekey da'ş betal dekateweu debête layenêkî serekî leberey brawekanî şer، hemû cîhan şanazî be îradey eu neteweye dekat û îradey eu neteweye her bryarêk bdat، cîhan debêt rêzî lê bgrêt.»


karîzmay netewe le roje sextekanda
pencerey umêd be ruuy neteweda dekatewe
pêş euey tîrorîstanî da'ş xelafetî îslamî rabgeyenn û hêrş bkene ser kurdstan، bêcge lewey da'ş baştrîn û tazetrîn çek û kelupelî serbazîî pênc fîrqey supay êraqî leber dest bû، le hemankatîşda nurî malîkî serok wezîranî pêşuuy êraq mawey heşt mang bû şerêkî gewrey abûrî be brînî budce û mûçey fermanberan ledjî herêmî kurdstan rageyandbû، leberamberîşda hêzî pêşmergey kurdstan bêcge le çekêkî kemî şestekanî sedey rabrdû، hîç core çekêkî bergrî leber destda nebû، lemeş zyatr behoy kewtnî musl û paşanîş hêrşkrdnî da'ş bo ser kurdstan، nzîkey dû mlyon aware rûyan lekurdstan krdbû، le barudoxêkî lew coreda، bebê bûnî serçaweyekî darayî û bebê bûnî hîç core çekêkî pêşkewtû، serok msod barzanî be pştbestn be xwa û be îradey gelî kurdstan bryarî şerî man û nemanî le djî tîrorîstanî da'ş da.


şerî djî da'ş tenya bo supayekî bê çek û bê îmkanyetî wek hêzî pêşmergey kurdstan، şerêkî taze nebû، belku bo hemû dewletanî nato û dwatrîş ke hawpeymanîî nêwdewletî le djî da'ş damezra، bo ewanîş şerêkî taze bû، emeş leber ewe bû şerî djî tîrorîstan pêştr rûberûbûnewe bû legel çend krdeweyekî xokuj، otombîlêkî bombrêjkraw، hêrşêkî gerîlayî bçûk، belam be rageyandnî xelafetî îslamî، îdî dewletêkî tîrorîstî drust bû ke baştrîn çekî modêrnî leberdest bû.


supa modêrnekanî dewletanî hawpeymanîî etlesî begştî û emrîka، leberamber hêrşî tîrorîstan le êraq û efxanstan، brstyan lê brabû، boye ke da'ş xelafetî rageyandu buwe dewletêkî tîrorîstî û xawen baştrîn çekî serdem، îdî gewretrîn grft û asteng leberdem supa modêrnekanî cîhan û hawpeymanîî nêwdewletîî djî da'ş ewe bû ke hîç hêzêk nîye btwanêt leser zewî tîrorîstanî da'ş têkbşkênêt.
boye katêk berêz msod barzanî bryarî şerî sertaserî da û leser zewî pêşrewîî hêrşekanî da'şî ragrt û efsaney da'şî betal krdewe، eme buwe xalêkî werçerxan nek tenya bo pêgey kurdstan lenaw syasetî nêwdewletî، belku buwe werçerxanêk bo darştnî stratîjyetî têkşkandn û le rîşehelkêşanî fîkrî da'ş lesyasetî emrîkada.
qsekrdn leser em werçerxane le syasetî emrîka beramber çonyetî mamelekrdn legel şerî da'ş û tewauy rojhelatî nawerast، rastkrdnewey stratîjyetî xotêweneglandn (disengagement) bo stratîjyetî pşt bestn behawpeymane pşt pê bestrawe lokalîyekan، emeş wate pşt bestn bew hêzey ke leser zewî detwanêt şerî djî da'ş bkat، nek tenya dewletanî nawçeke، emeş nawî lê nrawe stratîjyetî bûnî şwên pêyek (light footprint)، ke manay eweye eu hawpeymane pşt pê bestrawe lokalîye detwanêt rêgey serkewtn roşn bkatewe.


lem çwarçêweyeda eger carêkî dîke bgerêynewe bo eu serkewtne mezney hêzî pêşmergey kurdstan be rêberayetîî msod barzanî leser astî şerî djî da'ş tomarî krd، ewa degeyne eu derencamey ewe bo yekemîn care îradey gelî kurdstan û xoragrîî hêzî pêşmerge، berjewendî tewauy dewletanî cîhanî azad bekurdstanewe grêdedat û lekurdstanewe nexşey rêge bo parastnî eu peywendîyane daderêjrêt، em qonaxe tazeye be tewauy pêçewaney mêjuuy dîplomatyetî dewletanî rojawaye، emeş leber eweye eger stratîjyet û dîplomatyetî rojawa begştî û emrîka betaybetî leser eu bnemaye darêjrabêt ke debêt hemîşe peywendîî nêwan emrîka û dewletanî dîke، yan emrîka û hawpeymanekanî bew core bêt ke ewan wabestey stratîjyetî emrîka û rojawa bn، ewa qaremanîyetî hêzî pêşmerge û îradey xelkî kurdstan serlenwê em stratîjyetey lanîkem leser astî rojhelatî nawerast gorîweu êsta debêt arastey berewpêşeweçûnî peywendîyekan legel kurdstan bewcore bêt ke serencam be behêzîî kurdstan bşkêtewe، emeş le pênawî eweye hemîşe kurdstan pêgeyekî behêzî têkşkandnî tîror û tîrorîstan bêt، lehemankatîşda nawçeyekî nmûneyî bêt bo seqamgîrî û pêkewejyan û lêbûredeyî lenêwan eayîn û netewe cyawazekanda، herboyeş êsta tewauy dewletanî hawpeymanîî nêwdewletîî djî da'ş، wek erkî serşanyan hawkarîî pêşmerge deken û be rêgey rawêjkare serbazîyekanyan meşq û rahênanî drust be hêzekanî pêşmergey kurdstan deken، emeş le pênawî eweye، eger xwanexwaste eu bereyeî ke kurdstan leşerî djî da'ş şerî têda dekat، her kemukurtîyekî hebêt، ewa berjewendî tewauy dewletanî cîhanî azad dexate metrsîyewe.


kewate em arasteye eweman bo roşn dekatewe ke serkewtnekanî pêşmerge be rêberayetî msod barzanî، pêgeyekî bo kurdstan lenaw syasetî nêwdewletî û lenaw hawpeymanîî nêwdewletîî djî da'ş drust krduwe ke debêt syasetî nêwdewletî û dewletanî hawpeymanîî nêwdewletîî djî da'ş، pştgîrî eu hengawane bken ke debête hokarî euey kurdstan zyatr behêz bêt û jîngeyekî baştr bo pêkewejyan û lêbûrdeyî ferahem bkat.


lêrewe nagerêynewe ser qsey eu xelkaney ke çawyan be serkewtnekanî îradey netewey xoyan helnayet w، degerêynewe bo eu barudoxe abûrîye djwarey ke tyaîda serokî kurdstan bryarî têda derkrd، bêguman le êstada cîhan begştî û hawpeymanîî nêwdewletîî djî da'ş، her hemûyan geyştûnete eu qenaetey ke lekatêkda abûrîî gewrey emrîka û yekêtîî eurupa û dewletanî grupî 8، neyantwanî zemîneyekî euto drust bken ke btwanrêt tîrorîstanî da'şî têda têkbşkêndrêt، ewa lojîkî msod barzanî twanî leser bnemay abûrîyekî darmaw bryarî şerêkî qurs legel tîrorîstanî da'ş bdat û hêzî pêşmergey kurdstan be bê mûçe û be bê pêdawîstîî lojîstî û tenanet bebê bûnî xorakî pêwîstîş، tîrorîstanî da'ş têkbşkênn، le hemankatda leser astî îdaredanî herêmî kurdstanîş، wêray euey kurdstan kewtbuwe naw şerêkî cîhanîî qurse û legel euey nzîkey dûmlyon awareş ruuy krdbuwe herêmî kurdstan، belam syasetî hekîmaney serok barzanî twanî îdarey em bere frerehendey şer bkat، tenanet leser astî asayş û seqamgîrî «barî naasayî» le kurdstanda rageyendra، herweha leser astî karesatî mroyîş، eu syasete neyhêşt hatnî nzîkey dû mlyon aware (ke dekate sê yekî danîştuwanî kurdstan) bbête hokarî euey karesatî mroyî lê bkewêtewe، wek eu karesate mroyyaney ke le deryaî îce û snûrekanî dewletanî yekêtî eurupa beser aware û penaberanda hat.
eme manay eweye، serok barzanî lenaw qeyranî şerêkî frerehend û frebereda، ke hemû cîhan le astîda destewestan bû، twanî pencereyekî umîd bkatewe، krdnewey em pencerey umêdeş tenya msod barzanî nekrdote karîzmay netewekey، belku kesayetî msod barzanî bote karîzmay betalkrdnewey efsaney tîrorîstanî da'ş leseranserî cîhanda، eweşî emro hengawî bo heldegrîn û berew rîfrandom deçîn، berhemî eu serkewtneye ke hêzî pêşmerge û syasetî lojîkaney serok barzanî hênawyanetearawe û rageyandnî dewletî kurdstanîş debête tacî em serkewtne.


şîeî êraq wek layenêkî brawey
şerî djî da'ş mameley legel nakrêt

hawpeymanîî nêwdewletîî djî da'ş leser dagîrkrdnî musl û rageyandnî xelafetî îslamî da'ş drust nebuwe، herboye endamyetî êraqîş lehawpeymanîî nêwdewletîî djî da'ş، peyweste be razîbûnî eu bryaraney hawpeymanîî nêwdewletî bo hawkarîî hêzî pêşmergey kurdstan lew şereda. emeş raşkawane manay eweye eger hkumetî ebadî be mercekanî hawpeymanîî nêwdewletî djî da'ş razî nebwaye ke pêwîste be rêgey bexda û rastewxo hawkarî serbazî bgate hêzî pêşmergey kurdstan، ewa êraqîş wek êran dekewte derewey hawpeymanîî nêwdewletî djî da'ş.
le êstada prosey syasîî hukmranîî şîe le êraqda، hukmranîyekî yek araste nîye، belku dabeşbûnêkî aşkra heye، lelayek kabînekey d.heyder ebadî wek hawpeymanî emrîka û endamî hawpeymanîî nêwdewletî، belam lelayekî dîke layene syasîyekanî naw hawpeymanîî nîştmanîî şîe ke beşêkyan fermandeyî hêzekanî heşdî şe'bî deken، nek her xoyan saxkrdotewe ke wabestey syasetî êran bn dj be hawpeymanîî nêwdewletî û emrîka، le hemankatda hendêk lewaney êsta fermandey hêzekanî heşdî şîe deken، nawyan le layen wezaretî derewey emrîka le lîstî tîror tomar krawn.
em çend dêre grng bûn، bo euey pêgey êraq le naw hawpeymanîî nêwdewletîî djî da'ş، le qonaxî duay rzgarkrdnî muslî pê bxwênînewe. sebaret bem layene eu hêz û layenaney lejêr karîgerîî êrann، yan be rêgey syasetî êranî araste dekrên، hemû hewlyan bo eweye serkewtnekanî şerî djî da'ş lew amancane dabmaln ke hawpeymanîî nîwdewletî djî da'şî leser damezrawe، emeş be dîwêkî dîkeda، êran mebestêtî heman sînaryoî sûrya le êraqda dûbare bkateweu beşêweyekî serekî rolî emrîkaw rojawa leêraqda feramoş bkat û xoy bbête yarîzanî serekî û arastey rûdawekan bo berjewendîî xoy bgorêt.

aşkraye emrîkaw hawpeymanîî nêwdewletîî djî da'ş، be leberçawgrtnî eu cyawazîyeî lenêwan helwêstî emrîka û rûsya sebaret be eayndey sûrya heye، belam êsta hewlekan hemuuy bew arasteyen ke rêgeneden، eayndey sûrya bkewête destî hîç wlatêkî îqlîmî، euca eu wlate (turkya، êran yan sodye) bêt، emeş le pênawî eweye eger eayndey sûrya bkewête destî her kam le dewlete gewrekanî nawçeke، ewa lebrî euey zemîne xoş bêt bo euey aştî û seqamgîrî bgerêtewe bo nawçeke، bepêçewanewe zemîney şerêkî sertaserî le rojhelatî nawerastda drust debêt.

hkumetî êran leser zarî wezîrî derewey ke beşdar bû le kongrey mîwnîxî 2017 eu peyamey arastey îdarey tremp krd، bewey êran bewe razî debêt ke serlenwê pênasey kêşekan bkrêtewe û rêgey drust bo çareserkrdnyan be beşdarîî layene karîgerekan bdozrêtewe، belam welamî emrîka beramber êran ewe bû، pêwîste êran goşegîr bkrêt û hemû eu kompanya û kesaneşî be rêgey supay pasdaran le tîrorewe têwe glawn، gemaro bxrête seryan. lemeş zyatr le kongrey ryaz ke be serperştî serok tremp berêweçû، be aşkra helwêstêkî tund beramber radîkalyetî îslamî be herdû mezhebî (şîeu sunne) rageyendra، gemaro xstne ser qeterîş lelayen sodye û dewletanî kendaw û çend dewletêkî erebî dîkewe، leyek katda peyame bo pştgîrîkrdn le dewletî êran wek serçawey henardekrdnî fîkrî tundroyî şîe، herweha peyamêkîşe bo eu dewletaney ke deyanewêt pştgîrî îslamîye tundrokan û bzavî îxwan muslmîn bken û lew rêgeyewe naseqamgîrî le nawçekeda drust bken. dyare em peyamey duwemyan le êsta zyatr ruuy turkya degrêtewe، boye turkya helwêstêkî zor tundî bo pştgîrîî qeter grtoteber.

leber roşnayî em gorankarîyaney leçend mangî yekemî îdarey tremp û arastekrdnî hawpeymanîî nêwdewletîî djî da'ş deyxwênînewe، eweye ke manewey êraq wek endamêkî hawpeymanîî nêwdewletîî djî da'ş le qonaxî duay azadkrdnî musl û rûxanî xelafetekey، peyweste bew mercaney ke debêt şîeî êraq zor be aşkra welamî hawpeymanîî nêwdewletîî djî da'ş bdatewe û xoy yeklayî bkatewe bewey aya legel amancekanî hawpeymanîî nêwdewletîî djî da'ş bo qonaxî bunyadnanewe û rîşekêşkrdnî da'ş xoy deguncênêt، yan xoy dexate berey êraneweu djî hawpeymanîî nêwdewletîî djî da'ş reftar dekat؟ bêguman welamî em prsyare bende be reftarî le êsta bedwauey hkumetî êraq ke le eayndey nzîk welamî eu prsyare dedatewe، belam eger tewau layene şîîekanî naw hawpeymanîî nîştmanî û euey êsta gwêman lê debêt، lêdwanî hereşeamêz djî manewey emrîka û herweha lêdwanî hereşeamêz djî rîfrandom û serbexoyî kurdstan deden، ewa byanewêt، yan neyanewêt dekewne berey djî hawpeymanîî nêwdewletîî djî da'ş û rêgeyan pê nadrêt şerêk be hawkarîî 68 dewlet berêwebrabêt û zyatr leyek trlyon dolarî bo serf krabêt، serncam bkrête xelat bo wlatêk ke hawpeymanîî nêwdewletî rêgey pê nedawe endamî eu hawpeymanîye bêt.

lenaw bazney têrwanînî hawpeymanîî nêwdewletî djî da'ş bo qonaxî duay da'ş û çareserkrdnî kêşekanî nêwan kurdstan û êraq lelayek û erebî şîe û sunne lelayekî dîke، corêk le hawdengî heye، bewey çareserkrdnî kêşekanî nêwan kurdstan û êraq û eayndey peywendîyekanyan bestrawnetewe be lêktêgeyştn û rêkkewtnî nêwan hewlêr û bexda، lem çwarçêweyeşda dewletanî hawpeymanîî nêwdewletîî djî da'ş û herweha netewe yekgrtuwekanîş، nabne layengîrî kurdstan û êraq bo euey çareserêk beser hîç layekyanda ferz bken، belku emcareyan debne nawbjîwan le nêwanyanda bo euey pştgîrîî xalî hawbeşî nêwan hewlêr û bexda bken.

lem songeyewe eger seyrî kardanewey dewletanî hawpeymanîî nêwdewletîî djî da'ş û netewe yekgrtuwekan bkeyn sebaret be dyarîkrdnî rojî 25î eîlûlî 2017 bo encamdanî rîfrandom، be raşkawî eu helwêste dexwênînewe ke hemû dewletekan ne djî rîfrandom helwêstî xoyan rageyanduwe û ne pştgîrîşyan lê krduwe، em bêlayenîyeî dewletan û netewe yekgrtuwekan lenêwan êraq û kurdstan، hengawêkî mujdebexşe bew manayeî gelî kurdstan le 25î eîlûlî 2017 bryarî xoy dedat، em bryare be nawbjîwanî dewletanî hawpeymanîî nêwdewletîî djî da'ş û netewe yekgrtuwekan lenêwan êraq û kurdstan wtuwêjî leser dekrêt û wtuwêjî emcarey nêwan êraq û kurdstan leser dwabryarî gelî kurdstan leser eu bnemaye berêwe deçêt ke dewletanî hawpeymanîî djî da'ş û leseruuy hemûşyanewe emrîka û netewe yekgrtuwekan، rêz le bryarî xelkî kurdstan degrn û debêt êraqîş rêz le îradey xelkî kurdstan bgrêt، em xwêndneweye tenya qse، yan boçûnî çawdêrêkî syasî nîye، belku eme berencamî dîraset û twêjînewey eu tîmeye ke lemawey salî 2016- ta ayarî 2017، taskforsî eayndey êraqyan amadekrduwe، ewan duay twêjîneweyekî zor û rawêjkrdnyan be syasetmedaranî êraq û kurdstan û beşêkî zorî eu dîplomat û psporaney leser syasetî êraq kardeken، geyştûnete eu akamey em raporte bo emrîka wek serokî hawpeymanîî nêwdewletîî djî da'ş amadebken، lewaneye em raporte wek euey nûsrawetewe nebête beşêk le tewauy syasetî eayndey emrîka û hawpeymanîî nêwdewletî le djî da'ş، belam lanîkem debête nexşe rêge bo çareserkrdnî kêşekanî nêwan kurdstan û êraq، layenî serekîîş ke debête fakterî serxstnî em nexşerêgeye، hukmrananî êraq debn ke êsta şîe tyaîda baladeste، bepêçewaneşewe eger şîeî êraq amadebaşî pîşan nedat bo cêbecêkrdnî em nexşerêgeye، ewa heman sînaryoî trajîdî duay salî 2005 dûbare debêtewe، ke nexşey rêgey bo bunyadnanewey êraq leser bnemay (dabeşkrdnî deselat û dahat) bo dewletêkî fîdralî û freyî û perlemanî û arezûmendane damezrabû، belam layenî şîe bem nexşerêgeyewe amade nebûn û xoyan le kotayî êraq nzîk krdewe، boye eger şîeî êraq emcareş hewlbdat nexşerêgey duay da'ş wek nexşerêgey duay nemanî rjêmî sedam husên seyrbkat û beheman şêwe bîbînêt، ewa emcareyan hîç gumanî têda nîye êraq nek her kotayî dêt، belku parçe parçe debêt û layene şîekanîş le deselatî dewletdarî bûnyan namênêt û debêt wek mîlîşyakanî heşdî şe'bî bbne hzbulayekî dîke û le êranewe ferman werbgrn.

layenî serekî ke deyewêt em nexşerêgeyeî hawpeymanîî nêwdewletîî djî da'ş û neteweyekgrtuwekan bo qonaxî duay da'ş feramoş bkat û bîşarêtewe، dewletî êran û eu hêz û layene syasîyanen ke emro le edebyatî syasîî serdemda pêyan degutrêt: «wekîlekanî êran». dewletî êran ke her leseretay damezrandnî komarî îslamîyewe druşme serekîyekey henardekrdnî şorşî îslamî buwe، her le rwangey em druşmewe erkî wekîlekanî dyarî dekat û prosey karekanyan leser şêwazî hzbulay lubnanî pê cêbecê dekat.

dyare eu dîraset û twêjînewaney leser modêlî hzbulay lubnanî bo wekaletî êran krawn، amaje bewe deken، ke wekîlekanî êran، tenya be rêgey balî serbazî erkekanyan cêbecê naken، belku hewlyandawe wekîlekan lenaw prosey syasîî eu wlatane، balî syasîyan hebêt û lenaw perleman û hkumet nwênerayetyan hebêt bo euey btwann prosey syasî lewlatda pekbxen، lêrewe eger seyrî eu hêze şîîyane bkeyn ke rastewxo le êraqda paşko û grêdrawî êrann، bo nmûne rêkxrawî bedr، debînîn lenaw perlemanî êraqda xawenî nzîkey 20 kursî perlemanîîn û lenaw hkumetîşda، wezîrî nawxo ser bew rêkxraweye، herboye eger êran mebestî bêt peyamêk arastey hêzekanî heşdî şe'bî bkat ke ser bewezaretî nawxoy êraqn، ewa em peyame wek fermanêkî wezarî lelayen wezaretî nawxowe araste dekrêt û karîgerîî nerênîş leser prosey syasî êraq drust dekat.

le êstada ke bas lewe dekrêt helbjardnî parêzgakan û helbjardnî perlemanî êraq leçend mangî dahatûda، yan seretay salî dahatû berêwe deçn، ewa eu layenaney wek nurî malîkî ke paşkoy êrann، hemû hewlyan bo eweye zortrîn nwênerî xoyan bnêrne perlemanî êraq û paşanîş be rêgey drustkrdnî hkumetî zorîne، zorbey poste wezarîyekanî hkumetî êraq kontrol bken، be heman şêwe balî malîkî hewlîdawe heman modêl be rêgey hawpeymanîkrdnî legel bzûtnewey goran û komelî îslamî û beşêkî yekêtî nîştmanî le prosey syasîî kurdstanda dûbare bkatewe، belam be agayî serkrdayetî syasîî kurdstan lem sînaryoyeî êran û malîkî، welamî demşkênî malîkî û hawpeymanekanî dawetewe û serok barzanî zor demêke raygeyanduwe، eger malîkî bgerêtewe naw prosey syasîî êraq، ewa rastewxo serbexoyî radegeyenm، em peyamey serok barzanî pştgîrîî hawpeymanîî nêwdewletî û emrîkay lêdexwêndrêtewe، çunke ewanîş lewe beagan ke êran deyewêt le rêgey wekîlekanyewe ç syaset û stratîjêk le nawçek pyade bkat û serkewtnî êranîş ta radeyekî zor leêraqda bote hokarî euey kêşekanî rojhelatî nawerast aloztr bn û egerî şerêkî îqlîmî gewre nzîktr bbêtewe.
boye eger şîeî êraq xoy belay êranda sax bkatewe، ewa dergay wtuwêj bo rêkxstnewey peywendîyekanî kurdstan û rêkxstnewey prosey syasî lenêwan erebî şîe û sunney êraq dadexrêt، lem haleteşda debêt hawpeymanîî nêwdewletîî djî da'ş û emrîka bo kemkrdnewey nfûzî êran û dûrxstnewey egerî şerêkî gewrey îqlîmî bîr le rêgeçareyekî dîke bkenewe، ke lem haleteda hîç layenêk natwanêt rêge le parçe parçe bûnî êraq bgrêt.


şînî wekîlekanî êran
bo yekparçeyî êraq û serbexoyî kurdstan
euey cêgey nîgeranîyeu lewaneye rojêk le rojan hîç kesêkî neteweyî û nîştmanî bîrî lê nekrdbêtewe، qsew heluystî eu kurdzmananeye ke be aşkra û bebê hîç hestêkî nîştmanî û neteweyî djayetîî serbexoyî kurdstan deken!
prosey rîfrandom wek rêgeçareyekî dîmukratî û hawçerxane bo yeklakrdnewey çarenûsî gelêk، karêkî asayî û sruştîye ke bîruboçûnî cyawazî leser drust bêt، belam debêt bîruboçûnî cyawaz leser bnemay berjewendîî nîştmanî û neteweyî bêt û layenî beramberîş ke netewey serdeste bayî hênde welamdanewey hebêt bo euey btwanrêt layene erênî û nerênyekanî em proseye helbsengênrêt.
bedaxewe ewaney be zmanî kurdî le kurdstanewe djayetîî rîfrandom deken، beşêweyekî reha dergay dyalog û lêktêgeyştnyan daxstuweu bûnete parêzerêkî belaşî dagîrkaranî kurdstan، emeş leber eweye serkrdayetî syasîî kurdstan ke rojî 25î eîlûlî 2017î bo encamdanî rîfrandom rageyanduwe، emey neşardotewe ke leser bnemay bryarî gelî kurdstan wtuwêj û danustandn legel hkumetî êraq dekat û hemû eu syasete helaney hkumetî bexda dexrênerû ke bûne hokarî euey gelî kurdstan em bryare bdat، bo emeş şandî kurdstan serdanî bexday krduwe.
boye lem haleteda prsî encamdanî rîfrandom peywendî be jyan û keramet û eayndey her takêkî kurdstanewe heye û erkî serşanî hertakêkî kurdstanîye be cyawazî neteweu eayînewe pştgîrî le rîfrandom bkat، belam dwatr leser prosey dyalog û danustandn leser akamî rîfrandom legel hkumetî êraq، eger boçûnêk hebêt û pêman blêt، eu sazşey hkumetî êraq leberamber bryarî rîfrandom bo îradey gelî kurdstanî krduwe، baştre lewey ke sûr bîn leser euey le êraq cyabbînewe، belam euey debête helwêstêkî şermezarîyane djî netewekey xoy، eweye ke eu mafe be gel û netewey xoy nedat leser mafekanî xoy dyalogêkî raşkawane û cddî bkat.

lêrewe zor grnge munaqeşeyekî raşkawane û şefaf bkeyn û prsyar lew kesane bkeyn ke be zmanî kurdî djî rîfrandom û serbexoyî kurdstan bê şermane rawestawn û pêyan blêyn: fermû ewe mawey mangêk zyatre hzbe syasîyekanî kurdstan ( bêcge le goran û komel) rojêkyan bo encamdanî rîfrandom dyarî krduwe، aya hkumetî êraq، layene syasîyekanî şîeî êraq، ç hengawêkyan helgrtuwe، yan ç peyamêkyan arastey gelî kurdstan krduwe bo euey xelk blêt welahî maneweman legel êraq leçwarçêwey dewletêkî fîdralî û leser bnemay hawbeşîî rasteqîne bo êsta le cyabûnewe، yan rageyandnî dewletî serbexo baştre؟ prsyarî dîke eweye: aya hkumetî şîeî êraq، hêz û layene syasîyekanî şîeî êraq، merceîyetî şîeî necef، eger tenya bo dlnewayî gelî kurdstanîş bêt، rayangeyanduwe ke bryarî budce û mûçey gelî kurdstan، bryarêkî zalmane û jînosaydyekî aburîye ke derheq be gelêkî mezlûm û beşxuraw krawe؟ prsyarî dîke le helsûrawanî bzûtnewey goran eweye ke êsta postî cêgrî serokî perlemanî êraqyan heye، lêyan deprsîn، êwe be rêgey helsûraweketan ke cêgrî serokî perlemanî êraqe، hemû mafî xelkî slêmanî û gelî kurdstantan bo pêdanî mûçe bçûk krdewe، aya hkumet û layene şîekanî êraq ç welamêkyan danewe؟ aya mawey zyatr le şeş mang bo meramî syasîî xotan mamostaw fermanberantan rjane ser şeqamekan û druşmî wefa û dlsozîtan bo hkumetî bexda berz krdewe، aya hkumetî bexda ç welamêkî danewe؟


êsta katî ewe hatuwe raşkawanew şefafane legel ewaney be zmanî kurdî djayetî serbexoyî deken، munaqeşeyekî cddî bkeyn û pêyan blêyn: eger êwe her djayetî serbexoyî kurdstan deken، leser bnemay berjewendî û neteweyî û nîştmanî xelkî kurdstan em munaqeşe û dyaloge drêje bden û pêman blên eger xelkî kurdstan bryarî serbexoyî û çareserî yekcarekî legel êraq nedat، aya be ç zmanêk têgeyştn û rêkkewtn legel hkumetî bexda drust bkeyn؟ madam êuey kurdzman her sengerî dje serbexoyîtan helbjarduwe، lebrî euey gelekey xotan krdote tawanbar û leser yekparçeyî êraq dadgayî deken، pêman blên êwe xotan bken be wekîlî êraq eger eu bryare nedeyn، êraqî yekparçe çî bo xelkî kurdstan dekat؟ pêman blên aya êwe wek wekîlêkî rastgoy şîe û êraq detanewêt kurd le êraqda çon bjî û mafekanî çî bn؟ prsyarî dîke eweye aya êuey kurdzman ke djayetî netewey xotan deken û gelekey xotan be tawanbar dezann، bewey daway serbexoyî dekat، aya hkumet û deselatî şîeî êraq amadeye tenya êuey kurdzman wek hawulatî ple yekî êraq seyr bkat û gwêtan lê bgrêt؟ yan aya bwartan dedat bergrî lemafî netewey xotan lebexda bken؟ yan wek êsta tenya eu erkey pêtan spêrdrawe، naşîrînkrdnî hemû cwanîyekanî kurdu kurdstane، emeş be rastî qbûl nakrêt û nabêt le pênawî hendêk î'tbarî syasîda perdepoş bkrêt.