Li Komelgeha Borg a ser bi bajarokê Sinunê ya Şingalê keçeke 18 salî bi werisekî xwe xeniqand û dawî li jiyana xwe anî.

Peyamnêrê Rûdawê li Şingalê, Tehsîn Qasim ragihand ku îro demjimêr 11:00 termê keçeke 18 salî ya bi navê Faîze Dexîl li Komelgeha Borg a li bajarokê Sinûnê hatiye dîtin.

Çavkaniyekî ji Polîsê Şingalê ji Rûdawê re ragihand, polîs derbarê bûyerê û sedema xwekuştina wê keçê de lêkolîn daye destpêkirin, lê heya niha sedem nehatiye aşkerekirin.

Faîze Dexîl ji malbateke Kurdên Êzidî ye û piştî êrişên DAIŞê bo ser Şingalê di sala 2014an de, tevî malbata koçberî parêzgeha Duhokê bûbû û li kampan dijiyan.

Li gor zanyariyan, malbata wê keça Êzidî nêzîkî du salan bûn ku vegeriyabûn cih û warê xwe li Şingalê.

Malbata Faîze Dexîl dibêjin, ew nizanin sedema xwekuştina keça wan çî ye.

Rudaw