Koçberên Şingalê yên vedigerin bajêr ji hemû xizmetguzariyan bêpar dimînin û vê derbarê de gilî û gazindên xwe tînin ziman.

Piştî 10 sal koçberî û derbederiyê jî hîn mercên jiyanê û ewlehiyê wek pêwîst ji bo xelkê koçber ên Şingalê nehatine dabîn kirin û vê derbarê de Şingaliyên ku ji BasNewsê re axaftin jî ragehandin, Bingehê Laleşê yê Rewşenbîrî û Civakî jî vê derbarê de helwêst diyar kiriye û piştî 10 salan koçberiyê naha di kampan de di bin çadiran de jiyan dikin û germa havînê û sermaya zivistanê dibînin. Berî naha jî di navbera Hikûmeta Herêma Kurdistanê û Hikûmeta Iraqê de rêkeftinek pêkhat ku li Şingalê ewlehî û mercên jiyanê bên avakirin, ku xelkê Şingalê bikare wegere ser war û mulkê xwe û demografiya Şingalê ya tê guhertin bê rawestandin.

Herwaha Şingaliyeke din ê bi temen jî ragehand: Hikûmeta Iraqê wekî pêwîst alîkariyê ji bo koçberên Şingalê yên di kampan de jiyan dikin re nake û em naha biçin Şingalê jî xaniyên me hilweşyayî û li erdê ne, ti cîhekî ku em bikevinê tine. 4 milyon dînarê ku hikûmeta Iraqê dide her malbateke koçberan dê têra çi bike, mirov nikare çi tiştekî bike. Ewlehî jî tine.

 

Basnews