Li parêzgeha Rihayê ya Bakurê Kurdistanê, teremê jinekê hat dîtin ku beşek ji laşê wê şewitî bû.

Li gor agahiyên berdest, li ser rêya Riha-Kaniya Xezalan welatiyan termê jinekê dîtin ku beşek ji termê wê şewitî bû.

Li ser agahdarkirina welatiyên derdorê, tîmên tenduristî û ewlekariyê çûn cihê bûyerê.

Piştî lêkolînan, hat zanîn ku ew term jineke Sûrî bi navê Futem Elhamadî ye û temenê wê 38 salî bûye.

Herwiha eşkere bû ku benzin bi Futem Elhamadî hate rijandin û bi wî awayî hate şewitandin.

Piştî lêkolînên destpêkê, term bo Saziya Tipa Dadê ya Rihayê hat şandin û cendermeyan jî ji bo girtina kes an kesên tevlî kuştina wê jinê bûne, dest bi xebatan kirin.

Rudaw