Roja 25ê Mijdarê, Roja Cîhanî ya Têkoşîna li dijî Tundiya li ser Jinan e, li gor amarên Rêveberiya Têkoşîna li dijî Tundiya li ser Jinan, li Herêma Kurdistanê rêjeya tundiyê ji ber karantîna û hişyariya civakî kêm bûye.

Tevî hebûna helmetên hişyariya civakî, ku ji aliyê medya û navendên civakî û rewşenbîrî ve têne meşandin, hê jî li ser medyaya civakî tundî û cûreyên wê têne dîtin.

Rojane çendîn semînerên civakî têne pêşkêşkirin û ji aliyê yasayî, derûnî û civakî ve têne şîrovekirin, lê dîsa tundiya laşî û derûnî û gelek caran bûyerên kuştinê jî, têne dîtin.

Li Herêma Kurdistanê bûyerên xwekuştin, xweşewitandin û tundiya cinsî, li gor sala borî û li gor amarên herî dawî yên Rêveberiya Têkoşîna li dijî Tundiya li ser Jinan, kêm bûye.