Jineka kurd ya Rojhilatî, ku du zarokên xwe û hevjînê xwe kuştibû, dê were bidarvekirin.

Pênc sal berê, li bajarê Qurwe li parêzgeha Sine ya Rojhilatê Kurdistanê, jina kurd ya bi navê Zeyneb Xudamuradî, hevjînê xwe û du zarokên xwe kuştibû, ji ber wê jî bi sizayê qîsasê hatibû mehkûmkirin.

Çavkaniyên mafên mirov dane zanîn ku berpirsên girtîgeha Sine ew girtiya kurd roja 15 vê mehê birine cihê îdamê. Tê gotin ku dê Zeyneb sibê (18 vê mehê) were bidarvekirin.

Li gorî agahiyan, ew jina kurd (42 salî) beriya ku endamên malbata xwe bikuje, ji ber nexweşiya derûnî li nexweşxanê hatibû razandin.

Basnews