Li Rihayê zilamekê 5 rojan hevjîna xwe îşkence kiriye
Li taxa Dêrîkliyê ya navçeya Xelîliya parêzgehê, zilamekî bi nav Îlyas A, hevjîna xwe ya ji Sûriyê Mirvet Nimej ku dayika 3 zarokane û temen 28 saliyê ye, 5 rojan li ser hev bi zincîrê îşkencekiriye û bi kêlbedanê neynûkên lingên wê kişandine.
Cîran, dengê qîrênên jina ku hatiye îşkencekirin bihîstine agahî dane polîsan.
Li gor jêderên medya Tirkiyê, polîsên ku hatine cihê bûyerê jina navborî rizgar kirine û bo nexweşxaneyê veguhestine.
Herwiha hevjînê wê ku îşkence lêkiriye girtine.
Jina ku her aliyê laşê wê şîn û di nav xwînê de maye û birînên wê kurm girtine, di beşa çavdêriya hûr ya nexweşxaneya dewletê Balikligolê de tê ragirtin.
Rudaw
