Wezareta Navxwe ya Tirkiyê ahengên gelêrî yê di nava cade û kolanan de li tevahiyê bajar û navçeyên Bakurê Kurdistanê û Tirkiyê qedexe kir. Bi giştnameyê dê çalakiyên weke dawetên kolanan/gundan, daweta sunetkirinê, şeva hineyê, nîşanê ku li 14 wîlayetan hatibû qedexekirin, dê li seranserê welat bê qedexekirin.

Sînordarkirinê ji bo 14 bajêrên Tirkiye û Bakurê Kurdistanê ku Wezareta Navxwe ya Tirkiyê di çarçoveya têkoşîna dijî vîrusa koronayê ya nû (Covîd-19) de dabû destpêkirin niha ji bo seranserê welat tê cîbicîkirin.

Wezareta Navxwe ya Tirkiyê rênimayên nû ji bo sînordakirina ahengan belav kirin û li gor rênimayan, ahengên kolan û cadeyan, şêranî û xwestin û çalakiyên taybet bi mehrkirinê li seranserî welat qedexe kir û biryar e ji roja Înê ve bikeve warê cîbicîkirinê.

Dawet dê bi şêweya merasima nîkahê bên kirin, dawet û nîkah herî zêde dê di saetekê de bên qedandin.

Her li gor rênimayên nû, ew kesên temenê wan ser 65 salan re ye eger xizmê nêzîkî zava yan bûkê nebe, nikare di ahengan de beşdar bibe.

Herwiha di bin 15 salan re jî nikarin beşdarî wan merasîman bibin, ev yek di demekê de ye ku hejmara tûşbûyan û mirinê li Tirkiyê û Bakurê Kurdistanê careke din bilind dibe.

Rudaw