Polîsê Helebçe: Jinek bi lêdanê hatiye kuştin
Berdevkê rêveberiya polîsê parêzgeha Helebçê Barzan Osman daxuyaniyek belav kir û ragehand: ‘’Demjimêr 03:30ê ber bi sibehê ve termê jineke bi navê A.Ê.H ya temen 32 salî û rûniştvana parêzgeha Silêmaniyê ji nexwaşxaneya beşa lezgîn a Helebçê re hat gehandin.’’
Herwaha got: ‘’Piştî lêkolînan derket ji aliyê birayê xwe yê bi navê R.Ê.H yê temen 34 salî ve, ku ew jî polîsê berevanî û hewarçûnê ye û rûniştvanê parêzgeha Helebçe ye, ji ber pirsgirêka malbatî li xwîşka xwe daye û ji parêzgeha Silêmaniyê anîne Helebçê û piştre jî ew gehandine nexwaşxaneya beşa lezgîn a Helebçê û jiyana xwe ji dest daye.’’
Berdevkê polîsê Helebçê got: ‘’Dosyaya lêkolîn û lêpirsînê li binkeyê polîsê Helebçê hatiye rêkxistin û termê wê jinê bo bijîşkê dadî yê Helebçê hatiye şandin. Kesê tometbar jî hatiye girtin û li xwe mukir hatiye, ku ew tewan wî pêkaniye û li gor madeya 406 û bi biryara dadwer ve hatiye gitin.’’
Basnews
