Ciwanro…Jinekê hevjînê xwe kuşt
Li gor rêxistina Mafê Mirov li Rojhilatê Kurdistanê belav kir, Ehmed Înfiradî yê kurê Emîn ê rûniştvanê taxa Gurgeçal a bajarê Ciwanro di encama nîqaşeke tund a li gel hevjîna xwe de, ji aliyê hevjîna xwe ve bi kêrê hate kuştin.
Malpera Kurdpa jî ragehand: ‘’Derbarê jiyan ji dest dana wî hemwelatiyê kurd de du nêrînên cuda hene ku di encama nîqaş û şer li gel hevjîna xwe ya bi navê Şino Rehmetî de hatiye kuştin û cîhê kêr di bedena wî de heye û hin kes jî dibêjin ber deriyê malê ketiye û dilê wî rawestiya ye.’’
Heta naha çapemenî û aliyên fermî yên hikûmeta Îranê vê derbarê de ti zanyarî belav nekiriye.
Ehmed Înfiradî û Şino Rehmetî ku xwedî du zarokên bi navên Esra û Aso ne, ji ber bi salane Ehmed Înfiradî madeyên hişber bikartîne pirsgirêkên wan ên malbatî heye û jiyana wan berdewam bi pirsgirêk e.
Basnews
