Li Tirkiyê ji ber kuştina bukeke Iraqî 4 kes hatin girtin
Zehra Mueyed Ubeydî ya 17 salî ku welatiyeke Iraqî ye û 6 meh berî niha li Tirkiyê zewicîbû, du roj berî niha li mala xwe ya Taxa Yahyalar a navçeya Adapazara Sakaryayê kuştî hatibû dîtin.
Piştî polis derbarê bûyerê de hatin agahdarkirin, termê Zehra bo Pizîşkiya Dadê hatibû veguhestin. Di pişkinînan de derket ku Zehra hatiye xeniqandin.
Rêveberiya Şûbeya Tawanan a Rêveberiya Polîsên Sakaryayê derbarê bûyerê de dest bi lêkolînan kir û bi gumana ku destê wan di kuştina Zehra de heye, hevjînê wê, xesû û 2 ji kesûkarên Zehra hatin desteserkirin.
Îro Yekşemê, piştî bidawîbûna lêkolînan gumanbar bo dadgehê hatin şandin. Dadgehê biryara girtina her çar kesan da û bo girtîgehê hatin şandin.
Rudaw
