ewaney wek xobexş çûnete rîzekanî heşdî şe'bî، hemûyan ser be mezhebî şîen û bo bergrîkrdn le şîe xoyan nawnûs krduwe، dyarîşe heşdî şe'bî wek hêzêkî xeyre dewletî ke leser fetuay ayetula sîstanî merceî gewrey şîekan le necef drust bû، leber ewe bû sunne le daxî hukmranîî şîe le bexda pêşwazî le da'ş krd، da'şîş eu katey xoy le qaîde cyakrdewe، xoy wek dujminî serekî şîe le êraq û sûrya rageyand، boye şîeş wek kardaneweyek bo da'ş، heşdî şe'bî leser heman rêçkey da'ş bo djayetî sunne damezranduwe. da'ş çon şanazî be kare drndekanî wek serbrîn û sûtandnî mrov û bekoylekrdnî mrov dekat û le rêgey kenalekanî xoyewe be vîdyo blawyan dekatewe، beheman şêwe hêzekanî heşdî şe'bîş şanazî bew kare tundroyî û drndanewe deken ke duay kontrolkrdnewey şare sunne nşînekanî ereb encamî deden، lemeş zyatr ewanîş be hawşêwey da'ş eu kare drndane be rêgey torekanî komelayetî be şêwey vîdyo blawî dekenewe.

lay da'ş ummey îslamî brîtîye le sunney selefî cîhadî qîtalî، boye euey nekewête çwarçêwey ummey îslamî be têgeyştnî da'ş ewa wek kafr û murted seyr dekrêt û xwênî helal dekrêt، em boçûne nek her şarawe nîye، belku le rêgey govarî (dabq)ـewe ke wek zmanhalî da'ş be înglîzî blawdekrêtewe، zor be şanazîyewe bergrî lêdekrêt، tenanet heta eger zanayekî sunne daway myanroyî bkat، ewan wek lader û tênegeyştû le îslam mameley legel deken، lemeş zyatr têgeyştnî da'ş bo gêranewey xelafet û dewletî îslamî، heman boçûnî îxwan muslîminî mîsr û endamanî rêkxrawî qaîdeye، belam cyawazî nêwan da'ş û îxwan û qaîde lew xalewe serçawe degrêt، katêk îxwan muslmîn damezra، dewletanî erebî kolonyalî dewletanî rojawa bûn، katêkîş osame bn ladn rêkxrawî qaîdey rageyand، seranî dewletanî erebî hawpeymanî rojawa bûn، boye em amanceyan grêdayewe be dajyetîkrdnî rojawawe، belam katêk da'ş xoy rageyand، hukmranî le êraq û sûrya be destî şîewe bû، herweha herdû dewletekeş lelayen komarî îslamî êranewe pştgîrî dekran، ke druşmî em dewlete her le salî 1979we henardekrdnî şorşî îslamîî şîe buwe bo derewe û lem pênaweşda êran be hezaran mlyon dolarî xerc krduwe û pştgîrî le hemû eu mîlîşya û grupane krduwe ke le pênawî bergrîkrdn le şîe le nawçekeda bûnyan hebuwe.

lem rwangeyewe eger seyrî mêjuuy pêş 2014î da'ş bkeyn، dyare ta eu berware da'ş nawî rêkxrawî qaîdey lqî êraq buwe، emeş bew manayeî stratîjyetî qaîdey êraq heman stratîjyetî qaîdey efxanstan buwe bo gêranewey xelafet û dewletî îslamî، belam katêk le 2012 hukmranî be tewawetî kewte destî şîe le êraq û le sûryaş beşar esed zyatr tundutîjî û karî drndaney djî sunney wlatekey pyadekrd، ewa seranî qaîde le êraq û sûrya geyştne eu qenaetey euey beşar esed û hukmranî şîeî êraq be sunney dekat، zor zor xraptre le emrîka û dewletanî hawpeyman، boye ewanîş xoyan le qaîde cyakrdewe û rayangeyand ke amancî ewan damezrandnî dewletî îslamîye le êraq û şam ke kurtkrawekey debête (da'ş).

qaîde bo mawey zyatr le 20 sal çalakîî tîrorîstî le seranserî cîhan encamda û paşan buwe hokarî euey le 2001 îmaretekey mela omerî talîban le efxanstan brûxêt، belam da'ş tenya lemawey şeş mangda twanî dewletêkî berfrwan leser xakî êraq û sûrya dabmezrênêt، mawey zyatr le 26 mangîşe hawpeymanî nêwdewletî djî da'ş hêrşî dekate ser، belam hêşta dewletekey da'ş nerûxawe.
manewey dewletekey da'ş، bew manaye nîye ke em dewlete her demênêt û narûxêt، belku hokarî serekîî manewey da'ş û dewletekey bo ewe degerêtewe ke erebî sunne le sûrya û êraq bedîl û elternatîvî dîke şk naben، wate eu katey le destî da'ş le sûrya û êraq rzgaryan debêt، dekewnewe jêr deselate dîktatorîyekey beşar esed û le êraqîşda wek le enbar û feluce û tkrît bînîman lelayen hêzekanî heşdî şe'bî şîewe، wek hawulatî yan pêkhateyekî êraq seyr nakrên û hemû erebî sunne wek da'ş mameleyan legel dekrêt، boye lem barudoxeda erebî sunne kewtûnete nêwan dû şeytanewe û be naçarî şeytanî da'ş heldebjêrn. emeş waykrduwe tenanet eger da'şîş lenaw bîrêt، fîkrî da'ş û le da'şîş xraptr ser heldedatewe.

metrsîyekanî beşdarîkrdnî heşdî şîe
le azadkrdnewey şarî muslda

euey pêy degutrêt heşdî şe'bî le bneretda coşdanî gel nîye bo rûberûbûnewey tîror، belku coşdanî şîeye bo lenawbrdnî sunne، kewate çon da'ş kuştnî şîe helal dekat be têgeyştnî xoy، be heman şêwe heşdî şîeş kuştnî sunney helal krduwe. cyawazîî nêwan cîhadî şîe ke heşdî şe'bî nwênerayetî dekat، legel cîhadî sunne ke da'ş nwênerayetî dekat، tenya ewendeye le cîhanî îslamîda sunne zorîneye û raşkawanetr bîruboçûne tundrokanî xoyan dexenerû، le beramberda le cîhanî îslamîda şîe kemîneye، boye şîe lem şereda hewlî euey dawe sunne le da'şda bçûk bkatewe û beramber be hendêk pêkhatey neteweyî û eayînî dîke le nawçeke corêk le nermî pîşan bdat bo euey xoy mezlûm û sunne wek zalm pîşan bdat، belam lew katey boyan deçêteser û le myaney operasyone serbazîyekanî djî da'ş ke şarîkî sunne kontrol dekenewe، ewa be heman şêwe herçî boyan bkrêt، djî danîştuwane sunne erebekey deken û benawî têweglan le tîror، rq û kîney 1400 sal lemewpêşî şîe û sunneyan pêderêjêt.

em arasteye berew hawkêşeyekî têkelawman debat ke emîş pelkêşman dekat bo şerîkî têkelaw. raşkawanetr ne şerî da'ş djî layenî beramber şerîke tenya djî hêzêkî serbazî، ne şêwazî şerî heşdî şîeş tenya şerêke djî çekdarekanî da'ş، belku le herdû haletda şerî herdûlayan şerêkî têkelawe hem djî çekdarekan، hemîş djî eu hawulatîye medenîyaney le şarekanda demênnewe، emeş bew manayeî çon ke da'ş hêrş dekate ser şwênêk، hawulatyanî svîlî eu nawçane bêcge le bergrîkrdn ke heta pêyan bkrêt bergrî deken û xoyan naden bedestewe، paşanîş ke neyantwanî bergrî bken، heldên û aware debn، beheman şêweş le her bereyekî şerda heşdî şîe beşdarî bkat، ewa hawulatyanî nawçe sunnenşînekan natwann wek hêzêkî nîştmanî pêşwazî le hêzêkî mezhebgeray şîe bken، boye be naçarî yan eweye şanbeşanî da'ş bergrî deken، yan eweye heldên û aware debn، herwek çon êsta nzîkey 1.5ta 2 mlyon erebî sunne helatûn û rûyan le herêmî kurdstan krduwe.

lem rwangeyewe qse û basî grng leser astî tewauy mîdyakanî cîhan û hawpeymanî nêwdewletî djî da'ş، eweye ke hêzî heşdî şîe beşdarî prosey azadkrdnewey şarî musl nebêt، leber euey le têrwanînî hemuwanewe lewaneye karesatêkî gewrey mroyî rûbdat û be sedan hezar kes aware bn.

heşdî şîe bo ç amancêk pêdagîrî
le beşdarîkrdnî şerî musl dekat؟

yek dû roje zor be cddî û be aşkra fermande dyarekanî heşdî şîe lêdwan bew arasteye deden ke beşdarî şerî azadkrdnewey musl deken û hîç hêzêkîş nîye btwanêt rêgrîyan lê bkat، serbarî emeş heyder ebadî serok wezîranî êraq û fermandey gştî hêze çekdarekanî êraq bo euey şerîyet be beşdarî heşdî şîe bdat، nawî heşdî gorîwe be hêzî qelaçokrdnî tîror (qwat mkafhe alarhab)، emeş bew manayeî em hêze beşêke le hêzî bergrî nîştmanî êraq û debêt hemû layek wek hêzêkî nîştmanî mameley legel bkat.

eger lêrewe tenya helweste leser eu nawane bkeyn ke bo coşdanî şîe djî sunne be nawî (alhşd alş'bî) damezrawe، debînîn wşey (alş'b) manay gel nageyenêt، belku manay taîfeyekî dyarîkraw degeyenêt ke şîeye، her boye fetwakey sîstanî bo heşdî şîe be nawî heşdî şe'bî-yewe، manay eweye şe'b le fetwakey sîstanîda tenya şîe degrêtewe û pêkhatekanî dîke euca erebî sunne bn، yan kurd، yan turkman û krîstyan، ewa debêt razî bn le jêr sayeî hukmranîî şîeda bmênnewe، beheman şêwe katêkîş heyder ebadî zatî ewe dekat nawî heşdî şîe bgorêt bo hêzî qelaçokrdnî tîror û wek hêzêkî serekî û nîştmanîî hêzî bergrî êraq cêgey bo dekatewe، emeş manay eweye êraq tenya nîştmanî şîeye û em hêzeş le her şwênêkî êraq hereşe hebêt، ewa heşdî şe'bî wek supay nîştmanî şîe، euca eu nîştmane her wlatêk bêt، ewa mafî xoyetî beşdarî têda bkat û hîç hêzêkîş nîye rêgrî lê bkat، herwek çon mîlîşyakanî heşdî şîeî êraq xobexşane legel hêzekanî hzbulay lubnanî beşdarîyan le şerekanî sûrya krduwe bo manewey rjême elewyekey esed، bo emeş ne hêzekanî hzbulay lubnanî û ne mîlîşyakanî heşdî şîeî êraq eweyan neşardotewe ke ewan şer le pênawî manewey esed deken û raşkawane rayangeyanduwe şerî ewan bo (bergrîkrdne le şîe û şwêne pîrozekanî، nek şerkrdn bêt bo bergrîkrdn le beşar esed)، em druşme ke druşmî aşkray hzbulay lubnanî û hzbulay êraq û tewauy mîlîşyakanî heşdî şîeye، eu rastîyeman pêdelêt ke heta eu katey beşar esed bergrî leşîe bkat، ewa hemû şîeî cîhan amadedebn bergrî lê bken û le pênawî manewey xoyan bext bken.

euey lêreda metrsî le ser çarenûsî nawçeke le babulmendeb-ـewe ta benderî eqebe drust dekat، pênasekrdnewey manay gel û nîştmane le têrwanîn û têgeyştnî cîhadî şîe û sunneda، herwek çon sunney êraq katêk le deselatda bûn ta salî 2003 le êraqda، em wlateyan bewcore pênase dekrd ke beşêkî cyanekraweye le nîştmanî erebî (wate nîştmanî erebî sunne) be heman şêwe êsta ke şîe hukmrane le bexda hewlekanî bew arasteyen ke êraq be şêkî cyanekraweye le cîhanî şîe û le her şwênêk şîe metrsî kewteser، ewe erkî êraqe bergrî lêbkat، eger şîeî êraqîş metrsî kewteser، dergay êraq walaye bo euey hzbulay lubnanî û hêzekanî êran wek wlatî xoyan bêne êraq û be hanay şîewe bên، emeş êsta waqîêke ke hemû layek be çawî xoman deybînîn. boye metrsîyeke lay da'şewe bêt ke deyewêt xelafetî îslamî be hîsab bgêrêtewe، bo euey pênasey nek êraq، belku hemû eu dewletaney erebî sunneyan têda dejîn wek dewletî sunney ereb pênase bkatewe û hemû pêkhatekanî dîke be cyawazî netewe û eayînyanewe bkate jêrdeste û koyley erebî sunne، êsta heşdî şîeş be heman araste hengaw heldegrêt û le brî hkumet û supay êraq xoy bryar dedat û dawa le hemû êraqîyekanîş dekat be hemû pêkhate neteweyî û eayînekanewe mlkeçî fermanekanî eu hêze mîlîşyaye bn، emeş nek metrsîye bo ser eayndey gelêk، yan neteweyek، yan mezhebêkî cyawaz، belku hereşeye bo xakêk ke hewldedrêt be zor bkrêt be şîestan.

prosey azadkrdnewey musl
prosey kotayîhatnî êraq debêt be yekcarî

êsta ke bas le prosey azadkrdnewey musl dekrêt، aşkraye bas le naw şarî musl û eu yek dû şaroçkeyeî wek geyare û şergat dekrêt ke erebî sunney têda nîştecên، herweha teleeferîş le bakûrewe ke zorîney turkmanî şîemezhebî têda nîştecê bûn û êsta le jêr deselatî da'şdan، nek parêzgay neynewa ke snûrekey le şngalewe ta degate bêcî، belku musl nawşarî musl û eu yek dû şaroçkeye، eu şwênaneşî le deştî neynewa û parêzgay neynewa kurd û pêkhatekanî dîkey têda nîştecê bûn û da'ş dagîrîkrdn û paşan leser destî hêzî pêşmerge azadkranewe، ewa çarenûsî eu nawçane yeklayî bûnetewe û eger rêwşwênêkîş bgîrêteber bo euey geranewey eu nawçane formêkî yasayî werbgrêt، ewa le êstawe akamî çarenûsî eu nawçane dyare û kurd û pêkhatekanî dîkey eu nawçeye ke helatn le jêrdestî، xoyan wek rîfrandom bryaryan dawe kwê heldebjêrn، be xwastî xoşyan jyanyan le herêmî kurdstan helbjarduwe، kewate musl wek euey êsta lejêr destî da'şe cyawaze le parêzgay neynewa ke beşî zorî be destî pêşmerge azadkrawetewe.

dyare êsta leser prsî azadkrdnewey musl û şêwazî berêwebrdnî musl le duay da'ş، têkelawîyekî enqest lelayen herdû layenî şîe û sunnewe heye û kurdstanîş têrwanînî xoy heye bemcore:

1. erebî sunne ke le naw şarî musl û çend şaroçkeyekî başûrî musl zorîne pêkdehênn û heta salî 2003 ke hkumetî be's le deselatda buwe، hewlyandawe beşî zorî musl bken be ereb، êsta dezann barudoxeke gorawe û carêkî dîke parêzgay neynewa nabêtewe be parêzgay neyneway pêş huzeyranî 2014، boye pêşnyarî ewe deken، duay azadkrdnewey musl، parêzgay neynewa bkrête herêmêkî serbexoy fîdral û be şêwazêkî dîke berêwebbrêt. raşkawanetr parêzgay neynewa herêmêk bêt le çwarçêwey êraqî fîdralda، dyarîşe dewletêkî fîdralî delên ke ne erebî sunne û ne erebî şîe brwayan pêy nîye. dyare sebaret bem pêşnyare pênaçêt hkumetî şîeî nawend ml bdate ber pêşnyarêkî lewcore، emeş lew rwangeyewe eger neynewa buwe herêm dyare enbar û tkrîtîş daway herêmî serbexo deken، duay emane debêt bexdaş wek gewretrîn şarî sunne û şîe û kurd debêt bkrête herêm û euyş dabeş bkrêt، bemeş şîe ke sedan sale xewn be hukmranîî bexdawe debînêt، eu xewney lebar deçêt، boye şîeî hukmran le nawend be pêşnyarî be herêmkrdnî neynewa razî nabn.
2. le têrwanînî şîeî hukmranîî êstay êraqîşewe، nek her sebaret be eayndey parêzgay neynewa، belku eayndey êraq bewcore seyr deken ke beşêkî danebraw bêt lew stratîjyetey şîe ke bazney şîe le babulmendebewe bo benderî eqebe tewau dekat، nek tenya hîlalî şîî ke tengey hurmz be benderî eqebewe grêdedatewe، lem rwangeyewe şîe be mafî xoy dezanêt ke êraq wek nîştmanî şîe seyr bkat، herwek çon êsta şîeî fars le êran nek her êran be beşêk le nîştmanî şîe dezanêt، belku dewletî êranî xstote xzmetî berfrawankrdnî medî şîe le cîhanî erebî û îslamîda، lem rwangeyewe hukmranî le êraqda eger boyan bçêteser berew wîlayetî feqî derwat، emeş bew manayeî nek tenya drustkrdnî dewletêkî sentralî behêzî dîktatorî، belku dewletêkî tîwkratî behêzî le ser bnemay mezhebî şîe، lemeşda eger şîeî fars ke kemîneye le êranda emey bo çûbêteser، ewa şîeî êraq ke zorîneye eger boy bçête ser zor asantr em rwangey şîe bo hukmranî le sertaserî êraqda cêbecê dekat، her leser em bnemayeş heşdî şîe pêdagîrî dekat beşdarî le şerî musl bkat bo euey daway şereke wek xenîmey şer mamele legel eayndey musl û neynewa bkat.

3. le beramber em dû têrwanîne mezhebgerayye şovênîye، têrwanînêkî dîkey azadîxwazane û mrovdostane heye ke euyş têrwanînî herêmî kurdstane bo eayndey berêwebrdnî naw şarî musl û tewauy parêzgay neynewa، têrwanînekeş bemcoreye:
1. herêmî kurdstan geyştote qenaetêkî tewau bewey carêkî dîke nakrêt û nabêt çarenûsî kurdanî êzîdî û şebek û herweha brayanî krîstyan ç le parêzgay neynewa û ç le naw şarî musl bkewnewe ber hereşey serkutkrdn û paktawkrdnî regezî û eayînî، bo emeş herêmî kurdstan selmandûyetî ke xawenî hêzî pêşmergeye wek supay kurdstan û detwanêt çarenûsî eu pêkhate cyawazane bparêzêt.
2. sebaret be parêzgay neynewa، herêmî kurdstan rêgeçare bewcore debînêt، hem bo euey karesatî dîke rûnedatewe، le hemankatîşda çarenûsî nawçekanî derewey herêmî be yasa çareserbkrêt، drustkrdnî çend parêzgayek le parêzgay neyneway kon be grng dezanêt، bo euey em parêzgayane xoyan bryar bden aya debn be herêmêk le çwarçêwey herêmî neynewa، yan xoyan degerênewe ser herêmî kurdstan، sebaret be şêwazî berêwebrdnî nawşarî muslîş، dyare eger şarî êstay musl be snûrî êstayewe buwe parêzga، ewe meseleyeke û eger nawçe kurd û krîstyanekanî naw musl xrane ser parêzga tazekan، eweşyan meseleyekî dîkeye، belam eger şarî êstay muslîş bkrête parêzgayekî serbexo، ewa debêt îdarey eu parêzga tazeye be şêweyek berêwebbrêt ke hemû pêkhatekan beşdar bn û çarenûs û jyanî her pêkhateyek parêzraw bêt، sebare bem boçûney herêmî kurdstan bo eayndey parêzgay neynewa û berêwebrdnî şarî musl duay da'ş، corêk le narazîbûn û tehedday êraqî û dewrber rûberuuy herêmî kurdstan debêtewe، belam hawsozîyekî gewrey nêwdewletî le pşte، betaybetîş dewletî fatîkan ke şanazî bewe dekat le hemû rojhelatî nawerastda، kurdstan tenya wlate krîstyanekanî le metrsî paktawî regezî û eayînî parastuwe û pêşmergeş twanay berdewamîdanî bew parastn û parêzgarîyeî tewauy pêkhatekanî parêzgay neynewa heye.
le nêwan em sê têrwanîne cyawaze bo eayndey êraq be gştî û eayndey musl û neynewa betaybetî، hemû amajekan berew ewe deçn، be azadkrdnewey musl barudoxe be tewawetî lêk cya bbêtewe û mlmlanêyekî tund le nêwan her sê boçûne cyawazeke dêtearawe û ke be şêweyek le mehal deçêt mezndey ewe bkrêt le nêwan eu sê boçûne cyawazeda corêk le rêkkewtnî aştîyane bêtearawe.

qonaxî post da'ş w
parastnî kurdstan lelayen pêşmergewe

legel euey hêrşî tîrorîstanî da'ş bo ser kurdstan û jînosaydkrdnî bra êzîdîyekanman zamêkî hênde qûle û be asanî sarêj nabêtewe، belam em şerey da'ş proveyek bû ke hêzî pêşmergey kurdstan selmandî twanay parastnî kurdstanî heye، herweha hêzî pêşmergey kurdstan selmandî tenya hêze ke leser bnemay întîmay nîştmanî şerdekat û bergrî le xak û hawulatyanî dekat be cyawazî netewe û eayînewe، ke le êstada supa leser modêlî pêşmerge nek her le nawçeke، belku le tewauy cîhan bûnî nîye، supayek twanay hebêt tîrorîstan têkbşkênêt û xakekey le tîrorîstan pak bkatewe، boye lem layenewe corêk le dlnyaîî bo eaynde sebaret be barudoxî kurdstan duay kotayîhatnî da'ş drust buwe، belam metrsîî euey ke naçar debîn bo parastnî kurdstan qurbanî bdeyn، emeyan hêşta egerêkî nzîke، leber euey hewldan bo euey be zmanî aştî û lêktêgeyştn kêşekan le gel hkumete şîekey bexda çareser bkrêt، eger mehalîş nebêt، ewa şêwe mehalêke.

le hemû barêkda eger heta kotayîhatnî da'ş، bryarî serbexoyî kurdstanîş ranegeyênîn، ewa parêzgarîkrdn le dewletî emrî waqîî kurdstan û eu nawçe kurdstanyaney ke hêzî pêşmerge be xwênî xoy azadî krduwe، ewa prsêk debêt ke nakewête çwarçêwey euey qsey leser bkrêt، emeş manay ewe debêt eger hewlêkî nêwdewletîş hebêt bo euey carêkî dîke prosey syasî le êraqda dest pêbkatewe û beşêwazî aştîyane û dyalog eayndey êraq û eu nawçane dyarî bkrêt، ewa debêt hêzî pêşmerge snûrî êstay çon kontrol krduwe، be heman şêwe le jêr destî xoyda bêt û proje yasayekî hebêt، yan bo nmûne cêbecêkrdnî maddey 140، ewa debêt qonaxekanî cêbecêkrdnî eu madde destûrîye le jêr sayeî hêzî pêşmergey kurdstan bkrêt، emeş manay eweye le ruuy krdarîyewe eu nawçe kurdstanîyane gerawnetewe ser kurdstan، belam eger beramber byewêt be dyalog bêt، ewa kurdstan rêgrî lewe nakat.

layenêkî dîkey pêşbînîkrawî qonaxî post da'ş bo êraq û kurdstan eweye ke be şêweyekî otomatîkî duay nemanî da'ş êraq debête dû beş، wate êraqî erebî ( sunne û şîe) legel dewletî emrî waqîî kurdstan، le qonaxî yekemda hukmranî şîeî bexda hewldedat bo euey be tewauy kontrolî beşe erebîyekey êraq bkat، manorêkî syasî legel kurdstan pyade bkat، lem haleteda eger nêwmalî kurdstan yekrîz û yekhelwêst bêt، ewa dekrêt mamele legel em manore syasîyeî êraq bkrêt bo euey be dyalog û wtuwêj prsî cyakrdnewey kurdstan le êraq legel bexda yeklayî bkrêtewe، em yekhelwêstîyeî nêwmalî kurdstan û hzbe syasîyekan dergayekî xêr bo çareserkrdnî şerî nêwan şîe û sunneş dekatewe، emeş leber eweye kurdstan çon ta êsta nebote beşêk le kêşey şîe û sunne û berdewam beşêk buwe le çareserkrdnî kêşey nêwan şîe û sunne، emcareyan detwanêt rolî zyatr bgêrêt، betaybetî ke kurdstan le pêgeyekda debêt bexda natwanêt manorî serbazî djî kurdstan encam bdat.

xalêk ke berdewam wek cêgey hereşe û metrsî demênêtewe، werçerxanî heşdî şîeye bo euey cêgey supay êraq bgrêtewe، herwek çon êsta wek hengawî yekem krawnete beşêk le sîstmî bergrî êraq، eger em heşdî şîeye bbête cêgrewî supay êraq. dyare em heşde her le seretawe wek mîlîşyayek bo bergrî le şîe drust krawe، euca şîe le êran bêt، yan sûrya، yan lubnan، yan yemen، boye helgrî hîç întîmayekî nîştmanî nîye bêcge le întîmayekî mezhebî، emeş manay eweye merceî em hêze damezrawey şerîî dewlet nabêt، belku merceîyetî eayînî şîe debêt، euca eu merceîyete le necef، yan le qum، yan le başûrî lubnan bêt، boye em hêze ke debête cêgrewey supa xoy le xoyda hêzêkî xeyre dewletî debêt، emeş metrsî nek her bo ser kurdstan، belku be şêwey hzbulay lubnanî û hawşêwekanî hereşe bo ser zor layenî dîkeş drust dekat، leber euey em metrsîye berdewame، debêt hîsabî cddî leser bkrêt، belam hêzî pêşmerge ke twanîbêtî hêzî da'ş têkbşkênêt ke beşî here zorî fermandekanyan، efserekanî pêşuuy supay êraq bûbn، ewa mîlîşyayekî kem ezmûn û fşol natwann xoyan legel hêzî pêşmerge taqî bkenewe û pêşmerge asantr detwanêt snûrekanî kurdstan bparêzît û be yekcarekîş êraq kotayî dêt û yeklayî debêtewe.