Îro 2. Konferansa Neteweyî ya Jinên Kurdistanê li Hewlêrê dest pê kir. Axaftina vekirinê ji aliyê Zana û Zikrî ve hatin kirin.

Duyemîn Konferansa Jinên Kurdistanê bi diruşmeya ‘Emê ji pir dengiyê yekîtiya neteweyî dirûst bikin’ û bi axaftinên amadekara konferansê Amîne Zikrî û Leyla Zana dest pê kir.

Bi giştî 186 jinên kurd ji bo konferansê hatine vexwendin. Ji başûrê Kurdistanê 78 nûner, ji bakur 50, ji rojhilat 24 û ji rojava jî 17 nûner beşdar dibin. Herwiha 12 nûner ji bo kurdên Ewrûpa, Ermenîstan, Rûsye, Kafkasya û Libnanê hatine diyarkirin.

Li gor ragihandineke hevbeş ku kopiyeke wê ji bo Rûdawê jî hatiye şandin, 8 partî û aliyên siyasî yên rojhilatê Kurdistanê ji ber nerazîbûnê beşdarî konferansê nabin.

Konferans wê 3 rojan berdewam bike. Di konferansê de wê pirsa jinên kurd, hevdengî û hemahengiya jinên her çar parçeyên Kurdistanê û çawaniya beşdarbûna jinan di xebata siyasî de bê nîqaşkirin.

Hêjayî gotinê ye ku yekemîn konferansa jinan sala 2010an li Amedê hatibû lidarxistin.

Rudaw