Berf, serma û pûkê nekarîn rê li ber çalakiyên çiyager û werzîşvanan bigire.

Endamên Komeleya Werzîşê ya Vadi Dogayê li navçeya Qelqeliyê ya parêzgeha Wanê ya Bakurê Kurdistanê berê xwe dae lûtkeya Çiyayê Xeyal ku bilindahiya wê 2 hezar û 800 metre ye.

Serokê koma çiyageran dîmenên geşta xwe ji Rûdawê re şandin û banga parastina jîngehê kir.

Serokê Komeleya Werzîşê ya Vadi Dogayê ya Wanê Omer Demez got:

"Slav û rêz, em îro derketin ser Çiyayê Xeyalê. Bi rastî ba û bager e û hewa gelekî sar e.

Em gelekî cemidîn, lê em ê derkevin. Bimînin di xêr û xweşiyê de.”

"Serma di bin sifirê de 35 pile ye"

Çiyagerê bi navê Ergîn jî wiha anî ziman:

"Em îro demjimêr 08:00an derketin Çiyayê Xeyalê. Bahozeke ecêb heye û serma di bin sifirê de 35 pile ye.

Em pêşiya xwe nabînin û em hêdî hêdî ber bi rotaya xwe ve diçin. Em dê hevûdu bibînin."

Çiyager û werzîşvan di encama meşeke zehmet de gihiştin lûtkeya Çiyayê Xeyal.

Çiyagerekî din jî got, "Em hatin serê Çiyayê Xeyalê. Bahoz, ba û bager gelekî hebû.

Em bi zor û zehmetî gihiştin vê derê. Em bi saya Vadi-Dogayê gihiştin lûtkeyê."

Serokê Komeleya Vadi Dogayê bang li jîngeparêzan dike da ku beşdarî çalakiyên wan ên xwezayê bibin û sûdê jê wergirin.

"Em derketin navsera Çiyayê Xeyalê"

Omer Demez wiha pê de çû "Slav û rêz, îro meşa me ya Çiyayê Kurê Xeyal bû, li bajarê Wanê li bajarokê Qelqeliyê.

Em derketin navsera wê, tîma me 10 kes bûn. Werzîşa Vadi-Dogayê ji navsera Çiyayê Kurê Xeyalê. Spas û rêz, zivistan, ba û bager, her bijîn."

Komeleya Kulûba Werzîşê ya Vadi-Dogayê ya ku sala 2012an hatiye avakirin her hefte li herêmên geştyarî û xwezayî yên Bakurê Kurdistanê geştekê dike û wê herêmê dide nasîn.

Ji gelek bajarên Bakurê Kurdistanê û Tirkiyeyê çiyager, werzîşvan û jîngeparêz beşdarî çalakiyên komeleyê dibin.

 

Rudaw