– Êvara duh Înê 30ê Tebaxa 2019an, li yarîgeha Ferenso Herîrî ya Hewlêrê, konsêrta hunermendê Swêdî yê bi esil Lubnanî, Mahîr Zain hat lidarxistin.

Bi sedan kes tevî malbatên xwe beşdarî di konsêrtê de kiribûn, daku demeke xweş bi muzîkê û dengê xweş ê hunermend Mahîr Zain re derbas bikin.

Piştî konsêrtê, tabloyek ku wêneyê Kelha Hewlêrê û Mahîr Zain li ser bû, tevî destek cilûbergên Kurdî pêşkêşî wî hunermendî hat kirin.

Stran û sirûdên Mahîr Zain olî ne û piraniya wan bo derbirîna hezkirina ji pêxemberê îslamê, Hz. Mihemed e.

Konsêrta Mahîr Zain bi sponsoriya Tora Medyayî ya Rûdawê birêveçû, ku cara yekê bû, li Iraqê û Kurdistanê konsêrt saz kir.

Rudaw