Li gundê Hemîkan ser bi navçeya Elkê yê Şirnexê ya Bakurê Kurdistanê sûlavên ku bi salane diherikîn, îsal ziwa bûne.

Ji ber di demsalên zivistan û biharê de zêde baran nebariya, li gelek bajarên Bakurê Kurdistanê îsal hest bi hişksaliyê tê kirin. Zevî ziwa bûne, asta ava çeman daketiye û gelek sûlav jî ziwa bûne.

Li gundê Hemîkan yê navçeya Elkê jî cara yekem e ku sûlava gund ziwa dibe.

Welatiyên gund û geştyarên ku her sal bo dîtina dîmenên ciwan serdana navçeyê dikin dibêjin, ligel ku hê bihar e lê ava sûlavan çikiya ye. Ev ji cihê nîgeraniyê ye.

Ji ber hişksaliya îsal li gelek bajarên Bakurê Kurdistanê di hêla çandiniyê de cotkar rojên zehmet derbas dikin.

Rudaw