Li Geverê kafeya pirtûkan hat vekirin
Kafeya pirtûkan bi beşdarbûna Qaymeqam û midûrên saziyên navçeyê li Parka Avaşînê hat vekirin. Kafeya pirtûkan dê her roj vekirî bimîne û kesên ku pirtûkan dixwînin dikarin bêpere çay û qehweyê jî li vê derê vexwin.
Derbarê kafeyê Qaymeqam Mahmut Kaşikçi daxuyaniyek da û destnîşan kir ku ev her dem xizmetê bidin ciwanên Geverî û wiha axivî:
"Em dixwazin ciwanên me bixwînin. Xwendekarên me yên dixwazin dikarin vê derê ji bo ezmûnên zanîngeh û TEOGê jî bixebitin. Ev kafe roja yekşemê jî tê de her roj dê vekîrî bimîne û 7 roj 24 saet wê xizmetê bide. Armanca me ew e ku zarokên me bixwînin. Ez ji wan jî taybet ên ku ji bo ezmûna zanîngehê dixebitin bila baş bixebitin û gelek pirtûkan bixwînin. Ji bo vê xizmetê ez ji rayedarên me yên wezaretê re jî gelek spas dikim."
Rudaw
