Dr. Xazî B. Zêbarî ku xelkê Herêma Kurdistanê ye û li Amerîkayê dimîne, wek pêngaveke dîrokî yekem neştergeriya çandina gurçika bexşîna zindî, bi alîkariya robotî li bakurê Louisiana kir.

Li Navenda Bijîşkî ya Willis-Knighton North li Shreveport, Dr. Zêbarî ev neştergeriya serkeftî bi sîstema neştergeriya robotî ya pêşketî ya Da Vinci XI pêk anî ku çendîn sûdên giring tê de heye, wek: kêmkirina êşê, başbûna zûtir û kêmbûna metirsiyên iltîhaba birînê.

Dr. Zêbarî li ser vê neştergeriyê dibêje: “Ev teknolojiya nû, derfeteke duyem dide nexweşên ku berê ji ber giraniya zêde û qelewiyê hatine redkirin. Ev serkeftin dê bi girîngî kalîteya lênihêrîna nexweşên çandina gurçikê baştir bike.”

Dr. Zêbarî, ku xwediyê paşerojeke akademîk a serkeftî ye, derçûyê zanîngeha Tennessee ye û xwediyê Fellowship ji Zanîngeha Johns Hopkins e. Ew niha li Navenda Çandina Herêmî ya Willis-Knighton wek neştergerekî çandina organan kar dike.

 

K24