(*)

هەردووكیان هەر میلیشیای توندڕەون، ئایدۆلوژیای ئاینین، ناتوانم بەرگری لەهیچیان بكەم و بلێم ئەمە باشە ئەمە خراپ، چونکە خراپ هەیە خراپتریش هەیە، بەڵام سەرەرای ئەمەش من هەولم داوە و لێی وورد بومەوەتەوە و توانیم سەرنج بخەمە سەر، كە هەر بە فیعلی لەمانە خراپ و خراپتڕ هەیە دەشتوانم بلێم یەكێ باشترە لەوەی تڕ.
بەرای من میلیشیا شیعەكان زۆر خراپتڕن، ئایدولوژیاترن و دەماڕگیرترن، چونكە ئەوانە هیچ لایەن و مەزهەبی تریان پێ قبول نیە بێجگە لە مەزهەبی شیعەی ئەئیمەی جەعفەری (اثنی عشر)، ئەوانە سەر بە ئێران و ویلایەتی فەقیهن, چاوەرێی بڕیارو فەتوای مەرجعی خۆیانن كە خامەنەئییە، پێچەوانەی میلیشیای سوننەی سوریا بۆ نموونە، چونكە میلیشیا سوننەكان زیاتر پشت بە (نص)ی قورئان فەرموودەكانی پێغەمبەر دەبەستن(د٠خ)، ئەوانە مەرجەعیان نیە تەنها سەركردەیەكیان هەیە و بەیعەتی پێ دەدەن و فەرمان لەو وەردەگرن، ئەوەی ناخوشە لەم میلیشیا سوننانە ئەوەیە کە تەنها کار بەو ئایەت و فەرموودانە دەکەن کە تایبەتن بە جیهاد و شەڕ .
جیاوازییەكی تری زۆر گرنگ كە تێبینیم كرد لە نێوان ئەم دوو میلیشیانە ئەوەبو كەوا میلیشیای شیعەی لە عێراق، لوبنان، فەلەستین، یەمەن و سوریای سەردەمی بەشار ئەسەد هیچ ئینتیمایان بۆ وولات، خاك و نیشتیمان نیە و هیچ گرنگ نیە، تاكە شت كە گرنگە لای ئەوان (التشييع)ە، واتە بلاوكردنەوەی هزر و بیری شیعەگەراتیە و دژایەتی بەرامبەرەكەیانە كەوا شیعە نیە، خالێكی تر لێك جیاكردنەوەی یاوەرانی پێغەمبەرە، بۆ نموونە دژایەتی كردنی عومەری كوری خەتتاب و عائیشەی خێزانی پێغەمبەرە وهەروەها پیشاندانی هاوسۆزیە بۆ ئیمام علی و فاتیمەی كچی پێغەمبەر لەنێو هەموو یاوەران و شوێن كەوتوانی پێغەمبەر.
من دەمەوێت خاڵێكی تری زۆر گرنگی ئەم میلیشیا شیعانە بخەمە ڕوو، ئەویش ئەوەیە كەوا خوێنەری بەرێز لەوانەیە هەستی پێ نەكردبێت، ئەوكات دەزانێ ئەوانە هەر بە جددی جیاوازن لە ملیشیا سوننەكان، ئەوەیش ئەوەیە كەوا ئایا بوچی شیعەكان و گروپەكانی شیعەی سەر بە ئێران تەنهاو شین و روو روو بو ئیمام حسێن كوری ئیمام علی دەكەن!! ئێ خو ئیمام حوسێنیش كوری ئیمام علیە و نەوەی پێغەمبەرە، ئەی خێرە ئەوان تەنها بو حسێن شین و گریان دەكەن تەنها بانگی ئەو دەكەن و دوعا لەو دەخوازن و تەنها حسێنیان لەسەر زمانە؟
چونكە حسێن زاوای ئێرانیەكانە، بەڵام حسن نا، كەوایە مادەم زاوای ئێڕانی و فورسەكانە و سەر بەئێرانە پیروزییەكەی لێرەدایە، نەك لەبەر ئەوەی كوری ئیمام عەلیە و نەوەی پێغەمبەرە، بە كورتی و پوختی كەوایە ئێران قیبلەنامەی شیعەیەو لە هەمو پایەك گرنگترە، هەر بریار، قسەو و وتارێك لەئێرانەوە دەربچێ، برایتەوە و گفتوگۆی لەسەر ناكرێ.
هەرچی میلیشیای سوننەكانە ئەم هزرو بیرە ووردو دەمارگیریەیان لا نیە و گڕنگ نیە، ئەوان هەموو یاوەرانی پێغەمبەریان لا وەك یەكە، هیچ وڵاتێكی دیاری كراو نیە بلێ من ئەم وڵاتە مەرجع و سیادەمانە، وە بڕیاڕ لەوێ وەردەگڕین. ئێ ئەگەر خوێنەری بەرێز بپڕسی یا بلێ سعودیەش وەك ئێران وایە بو میلیشیا سوننەكان، لێرەدا لێك چونەكان هەم دوورن هەم لێك جیان، چونكە سعودیە گریمان مەرجعەو گڕنگە بو ئەوان، ئەمە لەبەر دوو هوكارە بەڵام باهەر هوكارە سەرەكیەكە باس بكەم، كە ئەویش هەبوونی كەعبەی پیرۆزە، مالی خودا یە، وە ئەگەر پالپشتی ماددی و داراییشیان بكات ئەمە بۆ نەهێلان و كەمكردنەوەی هەژموونی ئێرانە، نەك لە ناو ئێران، بەڵکو لە وڵاتێكی تری بیانیش بۆ نەهێشتنی هەژموونی ئێرانە لەناو جەرگەی كەنداوی عەرەبی كە دارو دەستەو دراوسێی وولاتی سعودیەن، ترسی نەتەوەیی و نیشتیمانی زۆر بۆ سەر وولاتی سعودیە هەیە، كەوا بەرای خۆم زور ئاساییە سعودیە ئەمە بكات، نەك سعودیە هەر ولاتێكی تر بێ هەموو شتێك دەكات بو پاراستنی ئەمن وئاسایشی خۆی، ئەگەر دژە رای منیش هەبێت، ئاساییە بەڵام من هەر ئەوندە دەپرسم ئەرێ بۆچی بو ئێران ئاساییەو جائیزە میلیشیا توندرەوە تایفەگەرەكانی لە ئێرانەوە پەل بو نێو جەرگەی كەنداوی عەربی بهاوێژن، وئالۆزی و كێشە دروست بكەن، ملیارا دولار خەرج بكەن بۆ پالپشتی ئەم میلیشیا توندرەو دەمارگیر و تایفییانە، ئەمە لە كاتێكدایە خەڵكی رەش و رووتی ئێران وا دەمرن لە برسان هێلی هەژاری لە ژێر سفرەوەیە.
دەمەوێت لەكۆتاییدا ئەگەر كوتایش نەبێ ئاماژە بە خاڵێكی زور گرنگ بكەم لە جیاوازی نێوان ئەم دوو رەوت، میلیشیا و چەكدارانە كەوا بەرای من خوێنەری بەرێزیش سەدا سەد دەگاتە قەناعەتێكی تەواو كەوا بەلێ هەر بە راستی و واقعی جیاوازی زۆرە لە نێوان دەسەلاتدارە كلكدارەكانی سەر بە ئێران ودەسەلاتە سەر بە سوننە مەزهەبەكان.

من هەر ئەو نموونە دێنمەوەو هیچی تر پێویست ناكا رونی بكەمەوە ئەویش ئەوەیە، عێراق لەسالی ٢٠٠٣ رزگاری بو لە دەسەڵاتی بەعسی گۆربەگۆر، دەسەڵاتێكی شیعی سەر بەئێڕان جێگای گرتەوە، باشە دەپرسم لە ٢٠٠٣ یەوە تا ئەمرۆ بە ویژدانەوە عێراق دەسەلات بەدەستەكانی شیعەی عێڕاق توانیانە حوكمێكی جوان و رێك و سەروبەرو بێ جیاوازی بكەن؟ ئایا توانیویانە خزمەتی عێراق بكەن؟ ئایا توانیویانە یەك حوكمەت و هێز و سوپا هەروەها یەك پەرلەمانی بەهێز لەژێر دەسەلاتی یەك سەروك وەزیراندا دابمەزرێنن و حوكم بگێڕن، بریاڕ بدەن، جێ بەجێ بكەن، خزمەت بەم گەلە داماو هەژارو بن دەسەڵاتە بكەن؟
بێگومان نەخێر وا دیاریشە نزیكەی پەنجا گروپ و میلیشیا لە عێراق هەن، كەس بەكەس نیەو كەسیش خێری بو عێراق نیەو ناشبێ. بۆ نموونە، گەر بچیتە بغداد بو گفتوگۆیەك یان كێشەك یاخود بۆ هەر شتێك دەبێت لەگەڵ پەنجا سەرە كۆببیتەوە، جا لە مالیكی بگرە هادی عامری، خەزحەلی، كەعبی ،ابو فدك و عمار حەكیم، وە لیستەكە درێژە..
بەڵام فەرموون لە سوریا احمد الشرع بە پەنجا رۆژ جلەوی حوكمی گرتە دەست حكومەتێكی پێكهێنا سوریای كۆنترول كرد، دەستی بە سەر هەموو جۆمگەكانی وولاتدا گرت، هیچ گروپ و میلیشیای دەرەوی دەولەت نیە بڵێ منیش شتێكم، ئەوانەی ئاژاوەش دەگێرن بو زانیاری هەم دیسا گروپی شیعەی عەڵەوی سەر بە ئێرانن.

 

(*) چالاكوان