ئۆركێسترای كوردستانtv نمایشی موزیكی جیهانی و كوردی سازكرد
بەبۆنەی (26) ساڵەى دامەزراندنی کوردستان TV ,ئێوارەى ئەمڕۆ دووشەممە ڕێكەوتی 22/1/2025 لە هۆڵی پێشەوا لە شاری هەولێر,بە ڕابەرایەتی مایسترۆ(سەید ئەحمەد رەواندزی) و بە بەشداری پۆلێك لە ژەنیار و هونەرمەندی بە ئەزموون, ئۆركێسترای كوردستانTV نمایشی موزیكی جیهانی و كوردی سازكرد و تێیدا چەند پارچە موزیكێكی كوردی و جیهانییان پێشكەش بە ئامادەبووانی كۆنسێرتەكە كرد.
كۆنسێرتەكە بە ئامادەبوونی (ئومێد خۆشناو) پارێزگاری هەولێر و(ماکسیم ڕۆبین) کونسڵى گشتیى ڕوسیا لە هەولێر و (بڵند ئیسماعیل) بەرپرسى لقى2ی پارتی دیموكراتی كوردستان و د.عەلى ڕەشید، سەرۆکى ئەنجومەنى پارێزگا و فەرهەنگ غەفوور بەڕیوەبەرى گشتیى ڕۆشنبیرى و هونەر و ژمارەیەکی بەرچاو لە هونەرمەندان و هونەردۆستان بەڕێوەچوو.
گوڵان-ئاسۆ كاكەیی
